Төтенше жағдай кезінде 2,6 мыңнан астам қазақстандық медициналық көмекке жүгінді
2022 жылғы 27 наурыз 12:38

Төтенше жағдай кезінде 2,6 мыңнан астам қазақстандық медициналық көмекке жүгінді

НҰР-СҰЛТАН. ҚазАқпарат - ҚР Премьер-Министрі Әлихан Смайылов төтенше жағдай кезінде зардап шеккендерге медициналық көмек көрсету туралы айтты, деп хабарлайды ҚазАқпарат тілшісі.

«Төтенше жағдай кезінде 2022 жылдың қаңтарында Денсаулық сақтау министрлігі тәулік бойы жұмыс істейтін Республикалық жедел штаб құрды (Денсаулық сақтау министрінің міндетін атқарушының 2022 жылғы 5 қаңтардағы 2 бұйрығымен бекітілген). Тұрақты негізде ел тұрғындарына медициналық көмек көрсету, дәрілік заттармен және медициналық бұйымдармен қамтамасыз ету мониторингі жүргізілді. Төтенше жағдай кезінде медициналық ұйымдар дәрі-дәрмектермен және қан компоненттерімен толық көлемде қамтамасыз етілді», - деп жазды Әлихан Смайылов депутаттық сауалға берген жауабында.

Үкімет басшысының айтуынша, ТЖ енгізілген сәттен бастап 2 678 зардап шеккен адам медициналық көмекке жүгінген, оның ішінде 1 815 – і амбулаториялық көмек.

«Биыл қаңтарда Алматы қаласының стационарларына жоспарлы емдеуге жатқызу санын талдау 2021 жылдың қаңтарымен салыстырғанда оның 12% - ға төмендегенін көрсетеді. Денсаулық сақтау нысандарына 20 шабуыл жасалды. (5 стационар, 1 МСАК және 14 дәріхана, барлығы Алматы қаласында орналасқан), 7 медицина қызметкері зардап шекті (5 Алматы қаласында, 1 Шымкент қаласында және Алматы облысында) және 4 өңірде 45 жедел медициналық көмек автомашинасы (Алматы қаласында - 31, Алматы қаласында). Шымкент-7, Алматы облысы - 5, Жамбыл облысы - 2)», - дейді Премьер-Министр.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT