20:51, 12 Маусым 2018 | GMT +6
Төреші «Тараз» - «Каспий» кездесуінде 4 голды есептемеді
ТАРАЗ. ҚазАқпарат - Футболдан Қазақстанның бірінші лигасының өкілдері арасындағы «Тараз» - «Каспий» кездесуінде адам сенгісіз оқиға болды, деп хабарлайды ҚазАқпарат тілшісі.
Клуб баспасөз қызметінің мәлімдеуінше, төрешілер бригадасы алаң иелерінің төрт бірдей голын есептемей тастады. Қапталдағы төрешілер олардың ойыннан тыс жағдайда соғылғанын білдірді.
7-минутта Абзал Таубай, 40-минутта Константин Дудченко, 75-минутта Диас Сабыровтардың голдары офсайдтан соғылды, сондай-ақ Таубаев ойын соңында тағы бір рет «ойыннан тыс» гол соқты.
Дегенмен «Тараз» бұлардан тыс тағы да 4 гол соғып, ірі есеппен жеңіске жетті.
Осы жеңістен кейін 27 ұпай жинаған тараздықтар турнир кестесінде Шымкенттің «Қыран» командасынан 2 ұпай ғана артта келеді.