+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Төлеби ауданында шоколад өндірісі қолға алынған

2019 жылғы 1 сәуір 21:55
Бөлісіңіз:
Төлеби ауданында шоколад өндірісі қолға алынған

ТҮРКІСТАН. ҚазАқпарат - Түркістан облысының әкімі Өмірзақ Шөкеев жұмыс сапарымен Төлеби ауданына барды. Аймақ басшысы таулы аудандағы Бірінші мамыр ауылында «Балмұздақ» ЖШС-ның жұмысымен танысты, деп хабарлайды ҚазАқпарат тілшісі.

Аталған кәсіпорын жылына 3 мың тоннаға жуық балмұздақ, 15 тонна түшпара өнімін шығарады. Сондай-ақ, серіктестікте өткен жылы жобалық құны 800 млн теңгені құрайтын шоколадты глазурь және шоколад өңдейтін цехын іске қосылған. Алдағы уақытта цехта жылына 1100 тонна шоколадты глазурь мен шоколад өнімдері өндірілетін болады.

Бұдан соң өңір басшысы Киелітас ауылдық округінде орналасқан «Газпромнефть-Битум Қазақстан» ЖШС мұнай өнімдерін өңдейтін зауыттың жұмысын көріп, «Шымкент Құс» ЖШС құс етін өндіретін цехының жаңа құрылыс жұмыстарымен танысты. 2019 жылдың қазан айында іске қосылатын жобаға 896 млн теңге инвестиция тартылған. Мұнда жылына 2500 тонна құс етін өндіру жоспарланған. Өмірзақ Шөкеев аудан басшысына құс етін өндіруді арттырып, кәсіпкерлерге қажетті жер телімдерін бөлуді тапсырды.


null

Аймақ басшысы сапары барысында сондай-ақ, «Қазығұрт бақтары» ауылшаруашылық өндірістік копперативінде де болды. Егіс алқабында бүгінгі таңда 265 000 көшет отырғызылған. 140 га аумақтың 110 гектары алма бау, ал қалған 28 гектардың құрылысы жүргізілуде. Бағбандардың сөзінше, көшеттердің барлығы Италиядан әкелінген. Соның ішінде Гренин Сит сорты - 50 мың, Айдаред - 50 мың, Голден делишес - 115 мың түп бар. Сонымен бірге, Гала сортынан 50 004 түп егілген. Жалпы егіс алқабына 1 млрд теңге қаржы бөлінген.


null

Кооперативте Өмірзақ Естайұлы жауапты сала басшыларына қарқынды бау көлемін арттыру жөнінде тапсырма берді. Мол өнім алуда тамшылап суғару әдісінің тиімділігін айтты.


null

Аудандағы өндіріс орындарын аралаған өңір басшысы кәсіпкерлікті дамыту, жұмыс орындарын ашу жөнінде тапсырмалар беріп, тұрғындардың әл-ауқатын жақсартатын жұмыстарды жандандыруды тапсырды.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT