+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Токиодағы фотокөрмеде Қазақстанның ядролық қарусыздану үдерісіне қосқан үлесі ерекше бағаланды

2020 жылғы 29 тамыз 17:06
Бөлісіңіз:
Токиодағы фотокөрмеде Қазақстанның ядролық қарусыздану үдерісіне қосқан үлесі ерекше бағаланды

ТОКИО. ҚазАқпарат – Бүгін, 29 тамызда Токиодағы «Дайго Фукурю Мару» музейіндеХалықаралық ядролық сынақтарға қарсы күніне, сондай-ақ Семей ядролық сынақ полигонының жабылуының 29 жылдығына орай арнайы фотокөрме ашылды, деп хабарлайды Қаз Ақпарат ҚР Сыртқы істер министрлігінің баспасөз қызметіне сілтеме жасап.

Көрме өткізіліп отырған музей траулер «Дайго Фукурю-мару» есімімен аталады. Оның экипажы 1954 жылы 1 наурызда Бикини атоллында американдық «Кастл Браво» сутегі бомбасын сынау салдарынан ауыр радиациялық жарақат алған болатын.

Мерейлі күнге орайластырылған көрме 5 қыркүйекке дейін созылады.


Көрменің фотосуреттерінде Семей полигонындағы сынақтарды өткізу тарихы мен оның барысы, сондай-ақ «Невада-Семей» антиядролық қозғалысы бейнеленген.

2016 жылы Қазақстанның Жапониядағы Елшілігінің бастамасымен мұражайда тұрақты экспозиция ашылып, онда Қазақстан Республикасының Тұңғыш Президенті Н.Назарбаевтың Семей ядролық полигонын жабу туралы тарихи шешімі таныстырылған болатын.


Жапония Парламенті Өкілдер палатасының депутаты, бұрынғы қоршаған ортаны қорғау министрі Йосиаки Харада, сондай-ақ Жапония атом және сутегі бомбалары құрбандары конфедерациясының Төрағасы Теруми Танака Халықаралық ядролық сынақтарға қарсы күніне қатысты өз ойларымен бөлісті. Жапондық депутат Қазақстанның ядролық қарусыздану үдерісіне қосқан ерекше үлесін атап өтті. Конфедерация Төрағасы ҚР Тұңғыш Президенті Н.Назарбаевтың жаһандық қауіпсіздікті нығайтудағы және ядросыз әлем құрудағы жетекші рөлін жоғары бағалады.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Үмбет Шолпан
Үмбет Шолпан
954-059

MURAǴAT