+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Токио Олимпиадасының алау эстафетасы қашан өтетіні анықталды

2020 жылғы 28 қыркүйек 17:28
Бөлісіңіз:
Токио Олимпиадасының алау эстафетасы қашан өтетіні анықталды

НҰР-СҰЛТАН. ҚазАқпарат - Токио Олимпиадасының алау эстафетасы 2021 жылдың 25 наурызында Фукусима префектурасында басталады және 121 күнге созылады. Бұл туралы Токиодағы Олимпиада және Паралимпиада ойындарын ұйымдастыру комитетіне сілтеме жасап olympic.kz сайты хабарлайды.

Олимпиада алауының эстафетасы Фукусимадағы футбол орталығында басталып, кейін Жапонияның 47 префектурасында болады.

«Токио -2020» ұйымдастыру комитеті коронавирус індетіне байланысты қауіпсіздік талаптарын күшейтеді деп күтілуде. Одан бөлек, ұйымдастырушылар Олимпиада алауы эстафетасын мейілінше жеңіл өткізудің жолдарын қарастырып жатыр.

Еске салайық, XXXII Жазғы Олимпиада ойындары Жапонияда 2020 жылдың жазында өтуі тиіс болатын. COVID-19 пандемиясына байланысты Ойындар кейінге шегерілді. Соған қарамастан, Олимпиаданың «2020» жазуы сол күйі сақталып қалды.

Халықаралық олимпиада комитеті белгілеген Токио Олимпиадасының жаңа датасы – 2021 жылдың 23 шілдесі мен 8 тамызы аралығы.

Ұйымдастырушылардың айтуынша, бұл – бұрын-соңды болмаған ең инновациалық Олимпиада болады. Онда 33 спорт түрінен 339 медаль жиынтығы сарапқа салынады. Олимпиада-2020-ға жаңадан бес спорт түрі енді. Олар: бейсбол/софтбол, каратэ, серфинг, спорттық құзға өрмелеу және скейтбординг.

Айта кетейік, ҚР Мәдениет және спорт министрлігі елімізде Токио Олимпиадасына іріктеу турнирлері қашан басталатынын мәлім еткен еді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT