+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Токио Олимпиадасында қазақстандық үш велошабандоз бақ сынайды

2019 жылғы 20 қараша 22:06
Бөлісіңіз:
Токио Олимпиадасында қазақстандық үш велошабандоз бақ сынайды

НҰР-СҰЛТАН. ҚазАқпарат - Велоспорттан Қазақстан командасы 2004 жылғы Олимпиада ойындарынан кейін алғаш рет төртжылдық додасына үш лицензия жеңіп алды, дп хабарлайды ҚазАқпарат olympic.kz-ке сілтеме жасап.

Ұқсас жаңалықтар
Головкин мен Роналду Италияда бір жоба аясында жұмыс істеуде Қарағандыда қандастар арасында баскетболдан халықаралық турнир өтті Қазақстан УЕФА рейтингінде бір сатыға көтерілді

Халықаралық велосипедшілер одағының рейтингінде Қазақстан 3259,35 ұпай жинап, 19-шы орынға тұрақтады. Іріктеу ережесіне сәйкес, бұл біздің команданың Токио ойындарына үш спортшы апаруына мүмкіндік береді.

Бас бапкер Асан Базаевтың айтуынша, бұл тарихи жағдай. «Соңғы үш Олимпиада ойындарында біз осынша лицензия алмағанбыз. Сондықтан, біз үшін бұл жақсы нәтиже деп ауыз толтырып айта аламын. Команданың көрсеткіші толығымен көңілден шығады. Әрине, мұндай жетістікке жету үшін үздік спортшымыз Алексей Луценконың қосқан үлесі зор. Бір жыл бойы ұпайға таласқан командадағы өзге шабандоздардың да еңбегін жоққа шығармаймын. Жігіттердің барлығы да жоғары деңгейде жұмыс істеді. Жеңісіміз де көп болды. Ендігі жоспардың барлығы тікелей Олимпиада ойындарымен байланысты. Токиоға дайындық жоспарын түземіз. Оның ішінде биік тау деңгейінде өтетін жаттығу жиындары бар. Таудағы жиын Олимпиада қарсаңында өтеді. Команда құрамы туралы әзірге ештеңе айта алмаймын. Жаңа маусым әлі басталған жоқ. Спортшыларымыз азғантай үзілістен енді оралып жатыр. Олимпиада ойындарына қатысатын нақты құрамды Токиодағы дода жақындаған тұста айтамыз. Бізді тынымсыз дайындық күтіп тұр. Өз әлеуетімізді көрсететін мүмкіндік бар. Луценко нағыз бабында. Сондықтан, тек алға ұмтыламыз», - деді А. Базаев.

Әзірге белгілі болғаны, 2020 жылғы Токио Олимпиадасында үш қазақстандық велошабандоз топтық жарыста бақ сынайды. Сондай-ақ, олардың бірі жекелей жарысқа қатысады.
Біздің каналымызға жазылыңыз:

Басты сөздер: Спорт, Олимпиада,
Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT