Токио Олимпиадасында алтын медальді екі спортшы бөлісті

НҰР-СҰЛТАН. ҚазАқпарат – Токио Олимпиадасында жеңіл атлетикада алтын медальді екі спортшы бөлісті, деп хабарлайды ҚазАқпарат Олимпиаданың ресми сайтына сілтеме жасап.

1912 жылдан бері алғаш рет Олимпиадада жеңіл атлетикада алтын жүүлдені екі спортшы қатар алды. Тарихи оқиға ерлер арасында биікке секіруде болды.

Италиялық Джанмарко Тамбери мен катарлық Эсса Баршим 2,37 метр биікке секіріп, бірдей нәтиже көрсетті.

Ақылдасқан төрешілер тең жағдай деп жариялап, екеуін де Олимпиада ойындарының чемпиондары деп атау жөнінде шешім қабылдады.