+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Токио-2020: Закир Сафиуллин бүгін австралиялық боксшымен кездеседі

2021 жылғы 3 тамыз 11:30
Бөлісіңіз:
Токио-2020: Закир Сафиуллин бүгін австралиялық боксшымен кездеседі

ТОКИО. ҚазАқпарат - Токио Олимпиадасында қазақстандық Закир Сафиуллин (63 келі) бүгін ширек финалда австралиялық Харрисон Гарсайдпен кездеседі, деп хабарлайды ҚазАқпарат тілшісі.

Ұқсас жаңалықтар
Бокстан әйелдер құрамасының айналасындағы дау бойынша арнайы комиссия құрылды Ақтөбеде халықаралық олимпиада жеңімпазы марапатталды Айдос Ербосынұлы нокаутпен жеңгеннен кейін IBF рейтингінде үздік бестікке енді

Закирдің қарсыласы - Харрисон Гарсайд 1997 жылы 22 шілдеде дүниеге келген. Әзірге халықаралық деңгейде жоғары табыстарға қол жеткізе қойған жоқ.

Ол Олимпиададағы жарысын бірінші іріктеу кезеңінде Папуа-Жаңа Гвинея елінен келген Джон Умені, одан кейін намибиялық Йонас Йонасты 5:0 есебімен жеңді.

Ал Закир Сафиуллин 1986 жылдың 11 қарашасында туған. 2015 жылы Азия чемпионатында күміс жүлдегер атанды.

Олимпиадада Закир бірінші іріктеу кезеңінде перулік Леодан Пезоны 5:0 есебімен жеңсе, одан кейін жапониялық Дайсуке Наримацу денсаулық жағдайына байланысты шаршы алаңға шығудан бас тартты.

Бүгінгі жекпе-жек астана уақытымен сағат 15:35-ке белгіленген.

Закир қарсыласын жеңген жағдайда жартылай финалда кубалық Энди Круз және бразилиялық Вандерсон Оливейрамен шеберлік байқасады.

Еске салсақ, биылғы Олимпиадаға бокстан ерлер құрамасынан 8 спортшы барды. Олардың арасынан Закирден өзге Сәкен Бибосынов (52 келі), Қамшыбек Қоңқабаев (91 келіден жоғары) жарысты жалғастырып жатыр.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT