Токио-2020: Владислав Яковлев академиялық есуден бесінші орын алды

ТОКИО. ҚазАқпарат - Токио Олимпиадасында академиялық есуден қазақстандық Владислав Яковлев жартылай финалға қатысты, деп хабарлайды ҚазАқпарат тілшісі.

Қазақстандық спортшы өз тобында бесінші орынды місе тұтты.

Ертең, 30 шілдеде жарысқа қатысушылар 19-24 орындарды сарапқа салады. Онда қазақстандық спортшы D финалында бақ сынайды.

Биыл дүбірлі додада 33 спорт түрінен 339 медаль жиынтығы сарапқа салынады. Айтулы аламанға жер бетіндегі 206 мемлекеттен 11 мыңнан астам спортшы қатысуда.

Бұған дейін Қазақстан құрамасы алты Жазғы Олимпиадада бақ сынады. Жалпы алғанда 21 алтын, 28 күміс, 64 қола медаль алды.