+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Токио-2020: Су добынан Қазақстан құрамасы Хорватиядан жеңілді

2021 жылғы 25 шілде 18:50
Бөлісіңіз:
Токио-2020: Су добынан Қазақстан құрамасы Хорватиядан жеңілді

ТОКИО. ҚазАқпарат - Жапония астанасы Токио қаласында өтіп жатқан Олимпиада ойындарында су добынан Қазақстан құрамасы бірінші ойынын сәтсіз бастады, деп хабарлайды ҚазАқпарат.

Қазақстандық спортшылар алдын ала іріктеу кезеңінде В тобында сынға түседі. Алғашқы ойынында қазақстандық жігіттер Хорватияға 7:23 есебімен есе жіберді.

Сондай-ақ, В тобында Черногория, Испания, Сербия және Австралия бақ сынайды.

Енді қазақстандық құрама 27 шілдеде Сербиямен шеберлік байқасады.

Айта кетейік, Қазақстан құрамасы Олимпиадаға төртінші мәрте қатысып отыр. 2000 жылы жалпы командалық есепте тоғызыншы орынға табан тіреп, әзірге ол құраманың ең жоғары жетістігі ретінде тіркелген.

Айтулы аламанға дүние жүзіндегі 206 мемлекеттен 11 мыңнан астам спортшы қатысуда.

Қазақстандық 97 спортшы күншығыс елінде спорттың 28 түрінен бақ сынайды.

Еске салсақ, Токио Олимпиадасы 23 шілдеде басталды. Ол 8 тамызда мәресіне жетеді. Бұған дейін Қазақстан құрамасы алты Жазғы Олимпиадада бақ сынады.

Жалпы алғанда 21 алтын, 28 күміс, 64 қола медаль алды.


Біздің каналымызға жазылыңыз:

Бөлісіңіз:

Автор:

Әділжан Үмбет

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT