Тоқаев жаһандық жанжалдарды дипломатиялық жолмен шешуді ұсынды
Қазақстан Президенті жаһандық шиеленістер мен өңірлік жанжалдар жағдайында әлемдегі дағдарысты ахуалдарды саяси шешуге жан-жақты көмек көрсету қажеттігіне назар аударды.
«Осыған байланысты Қазақстан Ауғанстан Ислам Республикасы басшылығының ауғанішілік саяси диалогты және елдегі ахуалды тұрақтандыру шараларын ілгерілетуіне қолдау білдіреді. Бүгін қабылданатын Ауғанстан жөніндегі байланыс тобының іс-қимыл жол картасы Ауғанстандағы ұлттық татуласу процесіне нақты үлес қосуға бағытталған», - деді Мемлекет басшысы.
Қасым-Жомарт Тоқаев Қазақстанның Сирия бойынша халықаралық кездесулерді өткізуді алдағы уақытта да жалғастыратынын баса айтты.
«Қазақстан Иран мен Корея халықтық демократиялық республикасының ядролық бағдарламаларына қатысты барлық қарама-қайшылықтарды тек қана дипломатиялық жолмен шешуді жақтайды. Біз бітімгерлік қызметімізді халықаралық және өңірлік қауіпсіздікті қамтамасыз етудегі сыртқы саясатымыздың маңызды құрамдас бөлігі ретінде қарастырамыз», - Қ.Тоқаев.