Тоқаев: Заң талаптары барлық салада мүлтіксіз орындалуға тиіс

АСТАНА. ҚазАқпарат – Заңдылық пен тәртіп – өркениетті ел болудың кепілі. Бұл туралы ҚР Президенті Қасым-Жомарт Тоқаев бүгін халықтық коалиция форумында айтты, деп хабарлайды ҚазАқпарат тілшісі.

«Заңдылық пен тәртіп – өркениетті ел болудың кепілі. Заң талаптары барлық салада мүлтіксіз орындалуға тиіс. Заң алдында бәрі тең. Заң алдында бәрі бірдей жауап береді. Сонда ғана біз заңы мүлтіксіз орындалатын, тәртібі қатаң сақталатын Әділетті мемлекет құрамыз», - деді Мемлекет басшысы президенттікке Қасым-Жомарт Тоқаевтың кандидатурасын қолдау жөніндегі халықтық коалицияның форумында.