ТМД сенаторлары Санкт-Петербургта бірқатар үлгі заңдарды қабылдады

None
None
САНКТ-ПЕТЕРБУРГ. ҚазАқпарат – Қазақстандық сенаторлар Ресейдің Санкт-Петербург қаласында өткен Тәуелсіз Мемлекеттер Достастығына қатысушы мемлекеттер Парламентаралық Ассамблеясының мерейтойлық 50-ші жалпы отырысына қатысты, деп хабарлайды ҚазАқпарат.

ҚР Парламенті Сенатының баспасөз қызметінен мәлім еткендей, делегация құрамында палата төрағасының орынбасары Асқар Шәкіров, сенаторлар Сәрсенбай Еңсегенов, Динар Нөкетаева және Сергей Плотников бар.

Шараға қатысушылар «Мүлікті сенімгерлік басқару және траст туралы», «Міндетті құқық туралы», «Жарнама туралы», «Экологиялық залалды бағалау туралы», «Экологиялық туризм туралы», «Мемлекет, оның субъектілері және муниципалдық құрылымдар арасындағы мүлікті бөлу қағидалары туралы», «Әлеуметтік туризм туралы», «Трансшекаралық ақпарат алмасу кезінде электрондық түрде нотариаттық іс-әрекеттер жасау туралы» үлгі заңдарды қабылдады.

«Нормативтік құқықтық актілер туралы» үлгі заң жаңа мәтінде қабылданды. ТМД ПАА терроризмге және экстремизмнің зорлық көріністеріне қарсы іс-қимыл кезінде халықаралық гуманитарлық құқық қағидаттарын қолдану, ұлттық экологиялық қауіпсіздік орталықтарын ұйымдастыру және ТМД-ға қатысушы мемлекеттер парламентшілерінің мәртебесі туралы заңнаманы жетілдіру жөніндегі ұсынымдарды қабылдады. Сондай-ақ парламентшілер жұмыс барысында Тәуелсіз Мемлекеттер Достастығында 2020-2022 жылдарға арналған үлгі заң шығарудың келешек жоспарын бекітті», - деді Сенаттан.

Соңғы жаңалықтар