ТМД елдерінің Денсаулық сақтау саласындағы ынтымақтастық кеңесі өтті

ТАШКЕНТ. ҚазАқпарат – ТМД елдерінің денсаулық сақтау саласындағы ынтымақтастық Кеңесінің 32-отырысы өтті, деп хабарлайды ҚазАқпарат Өзбекстанның ӨзА ұлттық ақпарат агенттігіне сілтеме жасап.

Ұқсас жаңалықтар

Қарағанды облысында алдағы екі жылда дәрігерлерге 300 пәтер бөлінеді

Ақмола облысында карантиндік шектеулер туралы жаңа қаулы шықты Қарқаралыда дәрігерлер пәтер алды Манар Смағұл: Вакцинаның шығарылуы – қауіпті індеттің алдын алуға қол жеткізу

Онлайн режимде ұйымдастырылған кеңеске Қазақстан, Ресей, Өзбекстан, Беларусь, Қырғызстан, Тәжікстан, Түрікменстан, Молдова және Арменияның Денсаулық сақтау министрлері мен ресми өкілдері, сондай-ақ ТМД атқарушы комитетінің мамандары, ДДҰ Еуропа аймақтық бюросының басшысы қатысты.

Жиында сарапшылар коронавируспен күрес шаралары, санитария саласындағы түйткілдер, қант диабеті дертін емдеу және оның алдын-алу мәселелерін талқылады.

Конференция қорытындысы бойынша, кеңеске мүше елдер өзара «COVID-19» күресте ортақ шаралар қабылдау, ғылыми тәжірибелер, дәрі-дәрмек және вакцина жасау ісінде ынтымақтастықты арттыруға уағдаласты. Сондай-ақ, қатысушылар онкологиялық науқастарды емдеу саласындағы бірлескен іс-қимыл стратегиясын орындау басамасына қолдау білдірді.

Еске сала кетейік, биыл ТМД елдерінің денсаулық сақтау саласындағы ынтымақтастық Кеңесінің барлық отырыстары Өзбекстан Республикасының төрағалығымен өтеді.