+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

ТМД елдері ойындары: Қазақстандық боксшылар 4 салмақта чемпион атанды

2021 жылғы 6 қыркүйек 18:30
Бөлісіңіз:
ТМД елдері ойындары: Қазақстандық боксшылар 4 салмақта чемпион атанды

ҚАЗАН. ҚазАқпарат - Ресейдің Қазан қаласында өтіп жатқан ТМД елдері арасындағы спорт ойындарында боксшылар бәсекесі мәресіне жетті, деп хабарлайды ҚазАқпарат тілшісі ҚР Мәдениет және спорт министрлігіне сілтеме жасап.

Ұқсас жаңалықтар
Бокс: Жеңіліп қалған Жалғасқа 24 500 доллар бұйырды Аты аңызға айналған Мұхаммед Әлидің немересі рингке шығады Жалғас Жұмағұловтың UFC-дегі төртінші жекпе-жегінің трансляциясын қайдан көруге болады

Жарыс барысында 2005-2006 жылдары дүниеге келген спортшылар бақ сынады. Финалға шыққан қазақстандық 6 былғары қолғап шеберінің 4-і чемпион атанды.

Ел құрамасынан Анита Адишева (48 келі) өзбекстандық Робияхон Бахтиёрованы, Виктория Байдукова (54 келі) ресейлік Эвита Аверьяновадан басым түсті.

Ал 60 келідегі Ұлжан Сәрсенбек те өзбекстандық Мухлиса Тохированы қапы қалдырып ктеті.

Сондай-ақ, ел құрамасынан ұлдар арасында финалға жолдама алған жалғыз боксшы Мырзахан Мәуленов (66 келі) беларусьтік Владислав Кузнецовтан мықты екенін көрсетті.

Қазақстандық Бақыт Сейдіш (70 келі) пен Томирис Мырзақұл (52 келі) финалда қарсыластарына жол берді.

Алғашқысы өзбекстандық Ойша Тоироваға, екіншісі ресейлік Анастасия Коольге есе жіберді.

Қола жүлдеге қол жеткізгендер қатарында Жандарбек Ізбасаров (44-46 келі), Ислам Машкентаев (48 келі), Сұңғат Расулов (50 келі), Нұрислам Қалдыбаев (52 келі), Мадияр Отар (54 келі), Ерасыл Мұстафинов (57 келі), Ерсұлтан Төлеген (60 келі), Әділ Қасымов (63 келі), Әлинұр Өмірбеков (70 келі), Батырхан Сейтенов (75 келі), Нұрасыл Бауыржан (80 келі), Дельфина Әбілхан (44-46 келі), Карина Тоқубай (50 келі), Аружан Жаңабаева (66 келі), Назереке Рысбай (80 келі) бар.

Жалпы командалық есепте 4 алтынмен үшінші орын алды. Ал бірінші және екінші орындағы Ресей 15, Өзбекстан 7 алтын еншіледі.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT