+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

ТМД елдері минадан тазарту бағытында бірлесіп жұмыс істейді

2021 жылғы 22 қыркүйек 11:14
Бөлісіңіз:
ТМД елдері минадан тазарту бағытында бірлесіп жұмыс істейді

НҰР-СҰЛТАН. ҚазАқпарат – Парламент Мәжілісінің жалпы отырысында «Тәуелсіз Мемлекеттер Достастығына қатысушы мемлекеттер қарулы күштерінің бірлескен гуманитарлық минасыздандыру инженерлік бөлімшесі туралы келісімді ратификациялау туралы» заң жобасы мақұлданды, деп хабарлайды ҚазАқпарат тілшісі, деп хабарлайды ҚазАқпарат тілшісі.

Ұқсас жаңалықтар
Президент ТМД-ның бірлескен гуманитарлық минасыздандыру бөлімшесі туралы келісімге қол қойды Қазақстан ТМД қарулы күштерінің бірлескен байланыс жүйесі туралы келісімді ратификациялады Тоқаев ТМД елдері басшыларын тұщы су проблемасын бірлесіп шешуге шақырды

Тәуелсіз Мемлекеттер Достастығына қатысушы мемлекеттер қарулы күштерінің бірлескен гуманитарлық минасыздандыру инженерлік бөлімшесі туралы келісім 2020 жылғы 18 желтоқсанда жасалды.

«Келісімнің мақсаты – гуманитарлық минисыздандыру тапсырмаларын орындау үшін бірлескен бөлімшені құру, қолдану, оның қызметін аяқтау тәртібін және мәртебесін айқындау. Бірлескен бөлімшенің негізгі міндеттері – мина алаңдарына және жарылу қаупі бар заттардың болуына техникалық барлау жасау, сондай-ақ оларды минасыздандыру», - деді ҚР Қорғаныс министрінің орынбасары Тимур Дәндібаев.

Оның айтуынша, гуманитарлық минисыздандыру операцияларына қатысу үшін ұлттық инженерлік бөлімшені жіберу туралы шешімді жіберуші тарап өзінің ұлттық заңнамасына сәйкес қабылдайды.

Келісімде ТМД-ға қатысушы мемлекеттер болып табылмайтын мемлекеттердің аумақтарында гуманитарлық минасыздандыру міндеттерін орындауға Бірлескен бөлімшені тарту мүмкіндігі көзделген.

Қазақстан Республикасы мұндай бағыт БҰҰ Қауіпсіздік Кеңесінің мандатына сәйкес ғана мүмкін болады деп есептейді.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT