Тимур Хайдаров пен Мерей Медетов әлем чемпионатында бестікке енді

НҰР-СҰЛТАН. ҚазАқпарат - Венгрияның Сегед қаласында өтіп жатқан байдарка мен каноеде есуден әлем чемпионаты жалғасып жатыр. Бүгін каноеден 200 метрге жұптасып жарысудан финалдық бәсекелер өтті, деп хабарлайды Olympic.kz.

Финалда сынға түскен қазақстандық Мерей Медетов пен Тимур Хайдаров бесінші орын иеленді. Олар аталған қашықтықты 36.73 секундта бағындырған. Бұл сында алтын медальді Испания құрамасы (36.06) жеңіп алды. Күміс медаль Польша (36.18), қола жүлде Өзбекстан (36.42) еншісінде. Финалға жалпы есебі тоғыз команда қатысты.