+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Тілектес Мейрамов: Қазақ театрының жаңа ғимараты – бүкіл елдің қуанышы

2019 жылғы 20 қыркүйек 14:19
Бөлісіңіз:
Тілектес Мейрамов: Қазақ театрының жаңа ғимараты – бүкіл елдің қуанышы

НҰР-СҰЛТАН. ҚазАқпарат – Жаңа Қазақ драма театрының салынуы – театр ұжымының ғана емес, бүкіл қазақ халқы үшін үлкен қуаныш. Елордада салынып жатқан жаңа Қазақ драма театрының құрылысымен танысу барысында актер, профессор, Қазақстанның халық әртісі Тілектес Мейрамов осындай пікір білдірді, деп хабарлайды ҚазАқпарат тілшісі.

Ұқсас жаңалықтар

«Жаңа Қазақ драма театрының салынуы – театр ұжымының ғана емес, бүкіл қазақ халқы үшін үлкен қуаныш деп есептеймін. Өйткені, біздің жас астанамызда осындай Қазақ театры ғимаратының болмауы – талай адамның көкірегінде жүрген мәселе еді. Талай адамды қынжылтып жүретін. Мінекей, біраз жылдан бері шешілмей жүрген мәселе реттеліп, сол ғимараттың құрылысымен танысып жатырмыз. Президенттің көмекшісі Мәулен (Мәулен Әшімбаев) мырза айтып кеткендей, бұл – үлкен оқиға. Кез келген елдің астанасында сол елдің театры болуы міндетті. Сондықтан, бұл біз үшін ғана емес, бүкіл қазақ халқы үшін үлкен қуаныш», - деді жаңа театр нысанының құрылысымен танысу барысында Тілектес Мейрамов.

Еске сала кетсек, бүгін Президенттің көмекшісі Мәулен Әшімбаев Нұр-Сұлтанда салынып жатқан Қазақ драма театры ғимаратының құрылысымен танысқан болатын.

«Келесі жылы 6 шілдеде театр ұжымы өзінің қоныс тойын тойлайды деп сенеміз», - деді Мәулен Әшімбаев.

Құрылыс нысанымен танысу барысында Қ.Қуанышбаев атындағы Мемлекеттік академиялық қазақ музыкалық драма театрының көркемдік жетекшісі Талғат Теменов аталмыш театрға «ұлттық» атағын беруді сұраған болатын.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT