Тікұшақ апатынан қаза тапқандардың тізімі
Роман Костыгов - майор 26.04.1985
Тимур Құдайбердиев - майор 17.09.1985
Аслан Айтбаев - лейтенант 10.11.1994
Данияр Қоңырбай - майор 10.11.1985
Сабыр Тоқбаев - майор 15.12.1977
Сырым Мәсәлім - капитан 11.12. 1989
Қайрат Нұрсапанов - 3-сыныпты сержант 08.10.1973
Мұрат Шәріпов - аға сержант 04.01.1979
Асхат Абдулманат - кіші сержант 21.09.1982
Айдын Әбділдинов - ефрейтор 11.12.1978
Қуаныш Сартықбаев - ефрейтор 08.09.1986
Өмірхан Каукаев - ефрейтор 21.08.1990
Мирас Жұматаев - ефрейтор 10.02.1991
Еске сала кетсек, ҚР ІІМ ТЖК баспасөз қызметі бұған дейін Қызылорда облысының Жалағаш ауданында МИ-8 тікұшағы апатқа ұшырағанын хабарлаған болатын.
Қорғаныс министрлігінің ақпаратына сәйкес, аталған тікұшақ 4 бірдей әскери тікұшақ құрамынан тұратын бөліммен бірге Ақтау қаласынан Шымкентке ұшып бара жатқан. Ұшу сапары арнайы бөлімшелердің «Алтын жебе» кешенді оқу және жаттығу аясында қараңғыда әрі күрделі метеорологиялық жағдайда жүргізілген.
Тікұшақта болған 13 адам қаза тапты.
«Жауынгерлік міндетін атқару барысында ҚР Қарулы күштерінің тікұшағының апатқа ұшырауы салдарынан оқу-жаттығу кезінде бортта болған 13 әскери қызметші қаза тапты. Қазақстан Республикасының бүкіл Қарулы Күштері қаза тапқандардың туған-туыстарына қайғырып, көңіл айтады. Қорғаныс министрлігінің басшылығы моральдық және материалдық көмек көрсету бойынша барлық шараларды қолға алады», - делінген ҚР Қорғаныс министрлігі сайтындағы ақпаратта.