+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Тікұшақ апаты: Жалғызынан айырылған ата-анаға баспана берілгенімен, құжаттары әлі жоқ

2019 жылғы 16 тамыз 14:33
Бөлісіңіз:
Тікұшақ апаты: Жалғызынан айырылған ата-анаға баспана берілгенімен, құжаттары әлі жоқ

ТАЛДЫҚОРҒАН. ҚазАқпарат - Алматы облысында 2016 жылдың 27 қаңтарында тікұшақ апатынан қаза тапқан Гүлнұр Хамитованың ата-анасына баспана берілген. Алайда марқұм болған қыздың ата-анасы 3,5 жылдан бері үйдің құжаттарын ала-алмай отырғандарын айтады, деп хабарлайды ҚазАқпарат тілшісі.

Ұқсас жаңалықтар
Санавиация ауыр халдегі сәбиді Қызылордадан Алматы қаласына жеткізді Нұрлан Ермекбаев: Әскерилер қаза болған ұшқыштардың отбасыларын қамқорлыққа алады

«Осы уақытқа дейін Талдықорған қалалық ТҮКШ бөлімі, қалалық әкімдік, облыстық денсаулық сақтау басқармасына бірнеше рет бардым. Барлығы аты-жөнімді жазып қалады, «міне қатырамыз», дейді. Міне осындай құрғақ уәде естігеміне 3,5 жыл болды. Қызымның қазасынан кейін үйді берді, бірақ құжат жоқ. Шынымды айтсам, ертең далада қаламыз ба деп қорқамыз», - деді көзіне жас алған Гүлнұр Хамитованың анасы Индира Бекдуллина.


22 жасында қызмет барысында қаза тапқан Гүлнұр Хамитова отбасының жалғыз баласы болған.

Естеріңізге сала кетейік, Гүлнұр Хамитова санавиацияның фельдшері қызметін атқарған. Ол 2016 жылдың 27 қаңтарында тікұшақ апатынан қызмет барысында қаза тапты. Сол сәтте санавиация Үшаралдан Талдықорғанға ақ қан ауруына шалдыққан кішкентай сәбиді жеткізбек болып, Талдықорғанға 30 шақырым қалған сәтте апатқа ұшыраған болатын. Тікұшақта болған 5 адам да мерт болды. Олардың денесі 15 сағаттық іздеуден соң ғана таулы аймақтан табылған болатын.

Ал Талдықорған қалалық ТҮКШ бөлімі 3,5 жылдан бері Гүлнұр Хамитованың ата-анасына берілген үйдің құжаттарын бір аптада жасап береміз деп уәде берді.

«Талдықорған қаласының тұрғыны Гүлнұр Хамитоваға кезінде 2016 жылы 9 ықшам ауданнан бір бөлмелі пәтер берілген болатын. Ол кісінің құжаттарын бізге келіп өткізсін. Біз оны арнайы комиссияға кіргізіп, құжатын бір аптаның ішінде реттеп береміз», - деді Талдықорған қалалық ТҮКШ бөлімінің сектор меңгерушісі Данияр Оразов.

Естеріңізге сала кетейік, дәл осы тікұшақ апатында қаза тапқан гемотолог-дәрігер Бақытгүл Қайсанованың қызына берілген үйдің бірде-бір құжаттары жоқ екенін бұған дейін жазған болатынбыз.



Біздің каналымызға жазылыңыз:

Басты сөздер: Алматы облысы, Тұрғын үй,
Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT