+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Тікұшақ апаты: Қаза болған Данияр Қоңырбайдың артында 3 баласы қалды

2019 жылғы 28 наурыз 16:58
Бөлісіңіз:
 Тікұшақ апаты: Қаза болған Данияр Қоңырбайдың артында 3 баласы қалды

АҚТӨБЕ. ҚазАқпарат - Қызылордадағы ұшақ апаты кезінде ақтөбелік Данияр Қоңырбаев көз жұмды. Әкімдік отбасына көмек көрсетеді, деп хабарлайды ҚазАқпарат тілшісі.

«Қызылорда облысының Жалағаш ауданында болған тікұшақ апаты кезінде ақтөбелік Данияр Қоңырбай қаза болды. 33 жастағы майордың артында үш баласы қалды.

«Данияр Қоңырбайдың үш баласы бар, ең кішкентайы 3 айлық. Ата-анасы Мұғалжар ауданының Қаракөл ауылында тұрады. Ақтөбе облысының әкімі Оңдасын Оразалиннің тапсырмасымен Данияр Қоңырбайдың отбасына көмек көрсетіледі», - деп хабарлады облыс әкімінің баспасөз қызметі.

Бүгін Т.Бигельдинов атындағы әуе қорғаныс күштері институты арнайы митинг өткізді. Себебі, қаза болған әскери қызметкерлер Ақтөбедегі жоғары оқу орнының түлектері.

«Қорғаныс министрлігі қаза болған адамдардың отбасына көңіл айтады. Арнайы митинг өтіп, бір минут үнсіздік жарияланды», - деді Т.Бигельдинов атындағы әскери әуе күштері институтының басшысы Әли Ыбыраев.

Еске сала кетсек, ҚР ІІМ ТЖК баспасөз қызметі бұған дейін Қызылорда облысының Жалағаш ауданында МИ-8 тікұшағы апатқа ұшырағанын хабарлаған болатын.

Қорғаныс министрлігінің ақпаратына сәйкес, аталған тікұшақ 4 бірдей әскери тікұшақ құрамынан тұратын бөліммен бірге Ақтау қаласынан Шымкентке ұшып бара жатқан. Ұшу сапары арнайы бөлімшелердің «Алтын жебе» кешенді оқу және жаттығу аясында қараңғыда әрі күрделі метеорологиялық жағдайда жүргізілген.

Тікұшақта болған 13 адам қаза тапты.

Біздің каналымызға жазылыңыз:

Басты сөздер: Ақтөбе облысы, Оқиға,
Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT