ФУТБОЛДАН ӘЛЕМ ЧЕМПИОНАТЫ-2022

«The Planet of ART-2022» халықаралық байқауы мәреге жетті

2022 жылғы 30 қыркүйек, 22:58
«The Planet of ART-2022» халықаралық байқауы мәреге жетті

АЛМАТЫ. ҚазАқпарат – «The Planet of ART-2022» халықаралық байқауының жеңімпаздары анықталды, деп хабарлайды ҚазАқпарат тілшісі.

Ұйымдастырушылардың айтуынша, «Тhe Planet of ART - 2022» байқауының көркемдік циклі Жібек жолы феноменінің көп қырлы мұрасын жан-жақты зерттеуге арналды.
«Жібек жолы: мәдени мұра», «Жібек жолы: инновациялар» және «Жібек жолы: Халықтар Достығы» номинациялары бойынша жобаға 3 пен 18 жасқа дейінгі 8 мыңынан астам бала қатысты.
Әділ қазылар алқасының шешімі бойынша 50 жеңімпаз анықталып, олар Қазақстанның оңтүстік астанасы – Алматы қаласында өткен фестивальдің финалына қатысты.
Балаларға Қазақстан Республикасының жетекші педагогтары мен және өнер қайраткерлерінің шеберлік сыныптары мен тренингтерінен өтуге бірегей мүмкіндік берілді.
Қазақстандық Ұлттық ЮНЕСКО клубтары федерациясының президенті Болат Ақшолақовтың айтуынша, шығармашылық пен өнерді біріктірген бұл жоба жастардың санасында бейбітшілік пен жақсылық идеяларын нығайтуға өз септігін тигізбек.
Іс -шараның маңызды оқиғаларының бірі «The Planet of ART – 2022» фестивалінің финалистері мен жеңімпаздарының 500-ге жуық жұмыстары енген «Жібек Жолы Мұрасы» атты балалар альбомы болды.
«2022 жыл – бұл балалар жылы және олардың талантын қолдаудан маңызды ештеңе жоқ. Мен олардың барлығын лайықты болашақ күтіп тұрғанына шын жүректен сенемін. Бұл жоба, қатысушыларға, өз жұмыстарымен бөлісуге және шеберліктерін көрсетуге мүмкіндік беріп қана қоймай, халықтарды біріктіріп, жастарды бейбітшілік пен жақсылық идеяларын нығайтуға бағыттады», - деп атап өтті Болат Ақшолақов.


Теги:
Ұқсас жаңалықтар
Серіктестер жаңалықтары

Jańalyqtar