+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

«The Planet of ART-2019» халықаралық байқауының жеңімпаздары анықталды

2019 жылғы 10 қазан 10:11
Бөлісіңіз:
«The Planet of ART-2019» халықаралық байқауының жеңімпаздары анықталды

АЛМАТЫ. ҚазАқпарат – Алматыда «The Planet of ART-2019» халықаралық фестиваль мәреге жетті, деп хабарлайды ҚазАқпарат тілшісі.

Халықаралық мәдени шараға Орта Азия елдері, Ресей мен Қазақстанның барлық аймақтарынан вокалистер, бишілер мен әртүрлі музыкалық аспапта ойнайтын балалар жиналды. 12 жастан 17 жасқа дейінгі жас дарындылар қатысқан байқау үш номинация бойынша екі кезеңмен өтті.

Қазылар алқасы танымал музыканттардан, мәдениет қайраткерлерінен, музыка әлеміндегі белгілі мамандардан құралды.

«The Planet of ART-2019» халықаралық фестиваль- байқауына жалпы 3500-үміткер қатысты. Олардың ішінде 16 бала финалға шықты.

«Вокал» номинациясы бойынша бас жүлде Анна Чечеринаға (Ресей) бұйырды, ал«Хореография» номинациясында Абай Юсупов (Қазақстан) үздік деп танылды.

«Музыкалық аспаптар» номинациясын Азиза Орузбаева (Қырғызстан) жеңіп алды.

Сонымен қатар, Алматы әкімінің арнайы сыйлығын қазақстандық Санжар Сағындықов алды.










«The Planet of ART-2019» халықаралық фестиваль-байқауы еліміздің барлық облыстары мен көрші мемлекеттерден келген 12-17 жас аралығындағы жаңа қатысушыларға есігін айқара ашты. Бұл жоба әлеуметтік сипатқа ие. Әсіресе, шалғайдағы орналасқан ауылдардағы талантты балаларды үлкен сахнаға алып шыққымыз келді. Сондай-ақ, олардың шығармашылық әлеуетін дамтып, халықаралық деңгейдегі байқауға қатысуға мүмкіндік бердік. Конкурсқа қатысқан балалардың барлығы бірінен- бірі өткен дарынды. Байқаудың аты байқау тек мықтылар ғана шығуы керек. Біз әділ бағасын бердік деп ойлаймыз»,- дейді Қазақстандық ұлттық Юнеско клубтары федерациясының президенті Болат Ақшолақов.


Айта кетейік, «The Planet of ART-2019» халықаралық байқауы Қазақстандық ұлттық ЮНЕСКО клубтарының федерациясы, ҚР Тұңғыш Президенті – Елбасы қорының қолдауымен өтті.

Гала-концертке фестиваль жеңімпаздары мен лауреаттары қатысты.










Біздің каналымызға жазылыңыз:

Басты сөздер: Алматы, Мәдениет,
Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT