The Guardian: Қала - әлемдік проблемаларды шешу кілті

НҰР-СҰЛТАН. ҚазАқпарат - The Guardian басылымының жазуынша, қалалар әлемдік проблемаларды шешу кілтіне айнала алады. Мақала авторының айтуынша, ұлттық үкіметтерге қарағанда қалалардың экологиялық таза энергияға көшіп, велосипедтерді арттыруы көп жағдайда өзгерістерге оң әсер етеді.

«БҰҰ? Ғалымдар? Кәсіпкерлер? Мемлекеттер? Жоқ! Қарапайым халық. Әлемдік проблемалардың шешімін іздеу барысында әрекеттер еркіндігі, идея, прогрестің тағы бір түрі бар екені үнемі ұмыт қалады. Мамандардың айтуынша, бүгінде әлемдегі 4 мың қаланың тұрғыны 100 мыңнан асады. Бұл саяси, экономикалық және әлеуметтік күш емес пе?», деп жазады басылым.

Автордың айтуынша, үкіметке қарағанда осындай қалалар әлемдік өзгерістерге төтеп бере алады.