Терроризмге қарсы орталықтың отырысы өтті

АСТАНА. ҚазАқпарат - Астанада Ұлттық қауіпсіздік комитетінің төрағасы Кәрім Мәсімов Қазақстан Республикасы Терроризмге қарсы орталығының кезекті отырысын өткізді. Бұл туралы ҚазАқпарат ҰҚК баспасөз қызметіне сілтеме жасап хабарлайды.

Мемлекеттік және жергілікті атқарушы органдардың басшылары қару мен жарылғыш заттардың радикалдық ортаға түсу жағдайын жою бойынша шараларды қарады.

2018 жылғы ТҚО жұмысына қорытынды жасалып, келесі жылға арналған бірінші кезектегі міндеттер белгіленді.

ТҚО отырысының нәтижелері бойынша бірқатар хаттамалық шешімдер қабылданды.