Террористік тұрғыдан осал нысан иелеріне айыппұл салынды
Көпшілік көп шоғырланатын бұл ғимараттардың барлығы террористік шабуылдардан аз қорғалған деп бағаланды.
«Биылдан бастап арнайы құрылған жұмыс тобы белгіленген нысандардың 90%-ын тексеріп шықты. Нәтижесінде 600 нысанның басшысына антитеррористік тұрғыдан аз қорғалуына байланысты ескерту берілді. ҚР Әкімшілік құқық бұзушылық туралы заңның 149 және 462-баптары бойынша 101 нысанның қожайынына қатысты әкімшілік материал жиналып, мамандандырылған сотқа жіберілді. Сот шешімімен, 99 меншік иесіне 33 млн теңге көлемінде айыппұл салынды», - деді Алматы қалалық полиция департаментінің экстремизмге қарсы басқарма басшысы Еркін Інкәров.
Бұған қосымша полиция қызметкерлері адам көп шоғырланатын нысан басшылары мен келушілерінің арасында түсіндіру жұмыстарын жүргізді.