+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Террористік әрекеттердің Исламға еш қатысы жоқ - Тәжікстан мүфтиі

2018 жылғы 11 қазан 11:10
Бөлісіңіз:
Террористік әрекеттердің Исламға еш қатысы жоқ - Тәжікстан мүфтиі

АСТАНА. ҚазАқпарат - Бұл туралы бүгін Әлемдік және дәстүрлі діндер көшбасшылары VI съезі аясындағы «Құбылмалы геосаяси жағдайдағы діндер: адамзатты топтастыру үшін жаңа мүмкіндіктер» атты сессиясында Тәжікстан Республикасының мүфтиі Саидмукаррам Абдукодирзоде айтты, деп хабарлайды ҚазАқпарат тілшісі.

«Осы күндері терроризм туралы көптеген әңгіме өрбіттік. Барлығымыздың ойымыз бір жерден шығып отыр. Ол - жер шарының түкпір-түкпірінде болып жатқан терроризмге тосқауыл қою. Терроризм - бұл қылмыс. Онымен күресу үшін түрлі деңгейде конференциялар өткізіліп, мұндай қылмыстың түп-тамырына балта шабу мәселесі жан-жақты пысықталды. Бұл проблема әлем деңгейінде өте қауіпті құбылысқа айнала түскен. Сондықтан оны терең зерделеуміз керек», - деді ол.

Оның айтуынша, терроризм идеяларын терең түсінген жағдайда ғана оған тосқауыл қоюға болады. Жалпы бүгінде терроризм жастар арасында белең алуы да алаңдатып отыр.

«Терроризмді исламмен байланыстырмау қажет. Оны исламмен байланыстыру үлкен қателік. Террористік топтардың жасап жатқан әрекеттерінің исламға еш қатысы жоқ. Себебі ислам, зорлық-зомбылықтан, терроризмнен алшақ тұрады. Ислам бейбітішілік, келісім діні», - деді Тәжікстан мүфтиі.

Сөз соңында Саидмукаррам Абдукодирзоде Алла Тағаладан Қазақстанға бейбітшілік пен шыныштық тілейтіндігін баса айтты.

Айта кетейік, Астанадағы Бейбітшілік пен келісім сарайында Әлемдік және дәстүрлі діндер көшбасшыларының VI съезі өтіп жатыр.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT