USD 435.1 EUR 493.27
RUB 5.69 CNY 68.63
Jańalyqtar

Тереңкөл ауданында құс тұмауына байланысты карантин енгізілді - Павлодар облысы

2021 жылғы 11 қазан 23:38
Бөлісіңіз:
Тереңкөл ауданында құс тұмауына байланысты карантин енгізілді - Павлодар облысы

ПАВЛОДАР. ҚазАқпарат - Республикалық эпизоотияға қарсы топтың мамандары Тереңкөл ауданында құс тұмауының шығуына байланысты инфекцияның таралуын болдырмау үшін жұмыс жүргізуде, деп хабарлайды ҚазАқпарат Pavlodarnews.kz-ке сілтеме жасап.

Ұқсас жаңалықтар
18 жыл бойы іздеуде жүрген ер адам Павлодарда ұсталды Павлодар облысында боранға байланысты тағы төрт жол жабылды Павлодар облысының бас мемлекеттік санитар дәрігері жаңа қаулыны бекітті

Облыстық ветеринария басқармасының мәлімдеуінше, 3 қазанда Березовка ауылының тұрғыны Воскресенский ауылдық округінің ветеринарлық пунктінің меңгерушісіне хабарласып, 1 қазаннан 3 қазанға дейін белгісіз себептермен 42 қаз өлгені туралы хабарлаған.

- 4 қазанда құстың өлу фактісі бойынша ветеринария басқармасы мен аумақтық инспекция өкілдері Березовкаға барып, өлген қаздардан патологиялық материалдар алды. Сынамалар құс тұмауына тексеру үшін Нұр-Сұлтандағы Ұлттық ветеринарияның референттік орталығына жіберілді. Өйткені ауладағы құстарда бұл инфекцияның сыртқы клиникалық белгілері болған, - деді басқармада.

​8 қазанда сараптама жоғары патогенді құс тұмауының диагнозын растады. Сондықтан аурудың ошағына карантин енгізілді. Құстардың өлексесі мал қорымында өртеу арқылы жойылды.
Березовка ауылында 85 үй бар. Олардың 36-сы үй құстарын ұстайды. Барлығы 1106 бас: оның ішінде 620 тауық, 186 үйрек, 300 қаз бар.
Болжам бойынша инфекция көзі - жабайы құстар. Себебі, құстар өлерден бірнеше күн бұрын құс қорада көгершіндердің өлексесі табылған.
11 қазаннан бастап ауылда «Республикалық эпизоотияға қарсы топ» РМК көмегімен жоғары патогенді құс тұмауын жою бойынша жұмыс жүргізілуде. Иелеріне өлген және ұсталған құстардың құны өтеледі.

Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT