Теннисші Елена Рыбакина Қытайдағы турнирде ұтылып қалды

НҰР-СҰЛТАН. ҚазАқпарат – Қазақстандық Елена Рыбакина Қытайдағы Гуанжчоу WTA турнирінің екінші айналымына өте алмады, деп хабарлайды ҚазАқпарат тілшісі.

Ұқсас жаңалықтар

Страсбург турнирінде Зарина Диястың соққысы үздік деп танылды

Зарина Дияс Страсбург турнирінің екінші айналымына шықты Теннисші Дмитрий Попко Ролан Гаррос турнирінің іріктеу сайысын сәтті бастады Теннис: Рыбакина мен Зарина Дияс Франциядағы Страсбург турнирінде ойнайды

Е.Рыбакина алғашқы айналымда осы турнирдің бесінші, әлемнің 38-ракеткасы, чехиялық Катерина Синяковамен күш сынасты.

Өткен аптада Қытайдағы Наньчан жарысының финалына дейін жеткен қазақстандық теннисші кеше дүниежүзілік рейтингте 69-дан 49-орынға көтеріліп, өз спорттық жолында алғаш рет үздік елу теннисшінің қатарына қосылған еді.

Бұл жолы бірінші партияда чехиялық спортшы айқын басымдық көрсетті – 6:1.

Екінші сетті Е.Рыбакина брейкпен бастағанымен, өз геймін беріп қойды – 1:1. Есеп қарсыласының пайдасында 3:1 болғаннан кейін Е.Рыбакина бәсекені жалғастырудан бас тартты.

К.Синякова жүлде қоры 500 мың АҚШ доллары болатын доданың екінші айналымында әлемнің 73-ракеткасы, швейцариялық Виктория Голубичпен шеберлік байқасады. В.Голубичті Наньчан турнирінің ширек финалында Е.Рыбакина жеңген болатын.

Еске сала кетейік, бұдан бұрын Зарина Диястың Осака жарысын жеңіспен бастағанын, Юлия Путинцеваның екінші айналымға шыққанын, Михаил Кукушкиннің Санкт-Петерборда сәтті өнер көрсеткенін жазған болатынбыз.