Теннисші Елена Рыбакина Дубай турнирінің ширек финалына шықты

None
None
НҰР-СҰЛТАН. ҚазАқпарат – Қазақстанның бірінші, әлемнің 19-ракеткасы Елена Рыбакина Дубай турнирінің ширек финалына шықты, деп хабарлайды ҚазАқпарат тілшісі.

Рыбакина екінші айналымда дүниежүзілік рейтингте 58-орында тұрған чехиялық Катерина Синяковамен шеберлік байқасты.

Қазақстандық спортшы бірінші партияны өз есебіне жазды – 6:3.

Екінші сетте де брейк жасап, 3:1 есебімен алға шықты. Ақыры матчты тағы бір брейкпен түйіндеді – 6:3.

Бәсеке 1 сағат 11 минутқа созылды.

Е.Рыбакина жүлде қоры 3 млн АҚШ долларына жуықтайтын ірі доданың жартылай финалына шығу үшін әлемнің үшінші, осы турнирдің 2-ракеткасы, чехиялық Каролина Плишковамен таласады.

Еске сала кетейік, бұдан бұрын Е.Рыбакинаның Дубайда Аустралия чемпионын ұтқанын, ал Михаил Кукушкиннің Марсель жарысының алғашқы айналымынан аса алмағанын жазған болатынбыз.


Соңғы жаңалықтар