Қолданушы баптаулары
Қолданушы баптаулары
+7 (701) 759 90 19 Лента
USD 384.87 EUR 432.52
RUB 6.11 CNY 55.95
Jańalyqtar

Теннис: Зарина Дияс Индиан-Уэллс турнирінің финалына шыға алмады

2019 жылғы 3 наурыз 01:47 1081
Бөлісіңіз:
Теннис: Зарина Дияс Индиан-Уэллс турнирінің финалына шыға алмады

АСТАНА. ҚазАқпарат  - Қазақстандық теннисші Зарина Дияс Индиан-Уэллстегі челенджер турнирінің жартылай финалында корт иесі Дженнифер Брэдимен кездесті, деп хабарлайды ҚазАқпарат тілшісі.

Америкалық теннисші әлемдік рейтингте 94-орында тұрса, қазақстандық спортшы одан екі-ақ саты төмен еді.

Бірінші партияда Зарина брейк жасап, 2:1 есебімен алға шықты. Алайда Брэди қарымта қайырып, таразы басын теңестіріп, өз геймін де алды - 3:2. Есеп 4:3 болғанда, тағы бір брейк жасады - 5:3. Өзі доп бергенде, З.Диясқа еш мүмкіндік қалдырған жоқ - 6:3.

Екінші партияда З.Дияс бастап доп берді. Ол 0:40-тан есепті теңестіріп барып, өз геймін алды. Есесіне Брэдидің геймінде қос бірдей брейк-пойнтты пайдалана алмады - 1:1. Бұдан кейін қарсыластар тартысты өрбігенімен, өз геймдерін жібермеді. Есеп 3:3 болғанда, Зарина қателік жіберіп, америкалық теннисшінің брейк жасауына мүмкіндік беріп қойды - 3:4.  Ақыры Д.Брэди матчты тағы бір брейкпен бітірді - 6:3.

Бәсеке 1 сағат 34 минутқа созылды.

Америкалық теннисші финалда осы турнирдің бірінші, әлемнің 18-ракеткасы, қытайлық Ван Цян немесе рейтингте 103-сатыдағы швейцариялық Виктория Голубичтің бірімен бас жүлде үшін таласады.

Еске сала кетейік, бұдан бұрын Зарина Диястың Индиан-Уэллс турнирін сәтті бастап, ширек және жартылай финалға шыққанын жазған болатынбыз.

Тағы бір қазақстандық теннисші, рейтингте 153-орындағы Александр Бублик Франциядағы жарыстың финалына шықты. Ол финалда әлемнің 264-ракеткасы, словакиялық Норберт Гомбошпен чемпиондық атақты сарапқа салады.

 

 

 

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT