Теннис: Зара Дәркен Минскідегі турнирдің финалында жеңіліп қалды
Қазақстан теннис федерациясы мәлім еткеніндей, жасөспірімдер арасындағы жылдың алғашқы жарысында қазақстандық-украиналық жұп соңғы бәсекеде Беларусь елінің өкілдері Марта Мельниченок пен Александра Слахаевамен кездесті.
Тартысты өткен матч барысында қарсыластар әр доп үшін күресіп бақты.
Бірінші партияда беларусь жұбы 7:5 есебімен басымдық танытты. Екінші сеттің ортасында да оларға сәттілік жолдас болды. Сөйтіп бәсекені жеңіспен тәмамдай білді – 7:5.
Зара Дәркен жекелей сында жарыстың бірінші ракеткасы болып, жартылай финалға дейін жетті. Ширек финалда қазақстандық теннисші Беларусь өкілі Алина Буршты 6:1, 6:1 есебімен оңай жеңді. Әйтсе де жартылай финалда тағы бір беларусь қызы Полина Кухаренкоға 2:6, 6:7 есебімен есе жіберді.
Еске сала кетейік, Зара Дәркен Еуропа жасөспірімдер рейтингісінде үздік 30 теннисшінің қатарына кірді.