+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Теннис: Юлия Путинцева Острава турнирін жеңіспен бастады

2021 жылғы 21 қыркүйек 22:01
Бөлісіңіз:
Теннис: Юлия Путинцева Острава турнирін жеңіспен бастады

НҰР-СҰЛТАН. ҚазАқпарат - Қазақстандық Юлия Путинцева Острава (Чехия) WTA 500 турнирін жеңіспен бастады, деп хабарлайды ҚазАқпарат тілшісі.

Ұқсас жаңалықтар
Футболдан Қазақстан біріншілігі: 25-тур мәреге жетті Қазақстандық атлет гір көтеруден әлем чемпионы атанды Футбол: «Каспий» мен «Ақжайық» тең ойнады

Әлемнің 49-ракеткасы Ю.Путинцева алғашқы кездесуін рейтингте өзінен бір-ақ саты жоғары тұрған қытайлық Чжан Шуаймен өткізді.

Бірінші сетте қытайлық спортшы әбжілдік танытты - 7:5.

Есесіне екінші партияда қазақстандық теннисші тай-брейкте жеңісті жұлып алды - 7:6 (9:7).

Үшінші, шешуші сетте Путинцева брейк жасап, сол басымдылығын сақтай алды - 6:4.

Аса тартысты өткен бәсеке 3 сағат 25 минутқа созылды. Матч барысында Путинцева 2 эйс жасап, 20 брейк-пойнттың жетеуін өз есебіне жазды. Эйс жасамаған қарсыласы да 7 брейкке (22 брейк-пойнт) қол жеткізді.

Ю.Путинцева екінші айналымда әлемнің алтыншы, осы доданың 1-ракеткасы, Польша өкілі Ига Швентекпен кортқа шығады.

Жүлде қоры 565 мың АҚШ долларынан асатын Острава жарысы 26 қыркүйекте аяқталады.

Қазақстанның бірінші, әлемнің 16-ракеткасы Елена Рыбакина алғашқы айналымда ресейлік Вера Кудерметовамен кездеседі.

Еске сала кетейік, бұдан бұрын Astana Open турнирінде Тимофей Скатовтың екінші айналымға шыққанын , ал Дмитрий Попконың өткен жылғы чемпионға жол бергенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT