+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Теннис: Юлия Путинцева Қазақстан – Аргентина матчын жеңіспен бастады

2021 жылғы 16 сәуір 23:08
Бөлісіңіз:
Теннис: Юлия Путинцева Қазақстан – Аргентина матчын жеңіспен бастады

НҰР-СҰЛТАН. ҚазАқпарат – Испанияның Кордова қаласында Билли Джин Кинг кубогының плей-офф кезеңінде Қазақстан – Аргентина матчы басталды, деп хабарлайды ҚазАқпарат тілшісі.

Ұқсас жаңалықтар
Теннис: Тимофей Скатов Түркиядағы турнирдің ширек финалына шықты Теннис: Ярослава Шведова Римде әлемнің бірінші ракеткасына жол берді Теннис: Ярослава Шведова Рим турнирінің екінші айналымына шықты

Алғашқы болып кортқа Қазақстаннан әлемнің 30-ракеткасы Юлия Путинцева, Аргентинадан дүниежүзілік рейтингте 45-орында тұрған Надя Подороска шықты.

Өткен жылы Ролан Гаррос турнирінің жартылай финалына дейін жеткен Н.Подороска сол додада Ю.Путинцеваны да ұтып кеткен болатын.

Бұл жолы бірінші партияда аргентиналық теннисші басымдылық көрсетті – 6:2.

Екіншісінде қазақстандық спортшы есе қайырды – 6:4.

Үшінші, шешуші сетте Ю.Путинцева қарсыласына бірде-бір гейм берген жоқ – 6:0.

Бәсеке екі сағаттай уақытқа созылды.

Осылайша Н.Подороскаға Парижде кеткен есесін қайтарған Юлия Қазақстанды алға шығарды. Есеп – 1:0.

Бүгін сондай-ақ Қазақстанның бірінші, әлемнің 23-ракеткасы Елена Рыбакина аргентиналық Мария Лурдес Карлемен шеберлік байқасады.

Сенбі күні Н.Подороска – Е.Рыбакина, М.-Л.Карле – Ю.Путинцева және жұптық сында Ярослава Шведова мен Анна Данилина – Н.Подороска мен М.-Л.Карле кездесулері жоспарланған.

Үш жеңіске жеткен команда Билли Джин Кинг кубогының шешуші іріктеу кезеңіне жолдама алады.

Еске сала кетейік, бұдан бұрын Қазақстан – Аргентина матчының жеребесі тартылғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT