+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Теннис: Юлия Путинцева әлемнің 25-ракеткасын жеңді

2020 жылғы 23 қаңтар 18:10
Бөлісіңіз:
Теннис: Юлия Путинцева әлемнің 25-ракеткасын жеңді

НҰР-СҰЛТАН. ҚазАқпарат – Қазақстандық Юлия Путинцева Аустралия ашық чемпионатының үшінші айналымына шықты, деп хабарлайды ҚазАқпарат тілшісі.

Ұқсас жаңалықтар
Дзюдо: Дюссельдорфтағы «Grand Slam» турниріне қатысатын ел құрамасы белгілі болды Елена Рыбакина WTA рейтингінде ТОП-20 кірген тұңғыш қазақстандық теннисшісі атанды Серік Сәлменов дзюдодан Еуропа кубогінің қола жүлдегері атанды

Дүниежүзілік рейтингте 38-орында тұрған Ю.Путинцева екінші айналымда әлемнің 25-інші, осы «Үлкен дулыға» турнирінің 26-ы ракеткасы, америкалық Даниэль Коллинзбен кездесті.

Биыл америкалық спортшы Ю.Путинцеваны Аустралиядағы Брисбен жарысында 6:1, 6:0 есебімен ойсырата ұтып, қапы қалдырған еді. Сондықтан Юлияның есе қайтаруға тырысатыны анық-ты.

Бірінші партияда есеп 1:0 болғанда, қазақстандық теннисші үш бірдей брейк-пойнтты пайдалана алмады. Сол-ақ екен, брейк жасаған Д.Коллинз 3:1 есебімен алға кетті. Дегенмен Ю.Путинцева да қалыспай, есепті 5:3-ке жеткізді. Ақыры сетті өз есебіне жаза білді – 6:4.

Екінші сетте есеп 3:2 болған мезетте Д.Коллинз брейк жасап, өз геймін де жібермеді – 5:2. Сосын тағы бір брейкпен бітірді – 6:2.

Үшінші, шешуші партияны Юлия брейкпен бастады – 1:0. Әйтсе де есеп 5:4 болып, матчқа доп бергенде, сол мүмкіндігін пайдалана алмай, қарсыласы таразы басын теңестіріп кетті. Дегенмен Путинцева қайыра брейк жасап, қайта алға шықты – 6:5. Бұл жолы ол жеңіспен түйіндей алды – 7:5.

Тартысты өткен бәсеке 2 сағат 36 минутқа созылды.

Ю.Путинцева үшінші айналымда әлемнің 3-ракеткасы, румыниялық Симона Халеппен кортқа шығады. Ол екінші кездесуінде ұлыбританиялық Хэрриет Дартты 6:2, 6:4 есебімен қиналмай ұтты.

Осылайша Қазақстаннан әйелдер арасында жекелей сында үш теннисшіміз де үшінші айналымға өтті.

Еске сала кетейік, бұдан бұрын Елена Рыбакинаның әлемнің бірінші ракеткасымен кездесетінін, Зарина Диястың Аустралия чемпионатының үшінші айналымына шыққанын жазған болатынбыз.

З.Дияс үшінші айналымда әлемнің оныншы, осы жарыстың 9-ракеткасы, нидерландылық Кики Бертенспен шеберлік байқасатын болды.




Біздің каналымызға жазылыңыз:

Басты сөздер: Спорт, Қоғам,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT