+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Теннис: Воскобоева Страсбург турнирінде жеңіліп қалды

2019 жылғы 25 мамыр 03:47
Бөлісіңіз:
Теннис: Воскобоева Страсбург турнирінде жеңіліп қалды

НҰР-СҰЛТАН. ҚазАқпарат - Қазақстандық Галина Воскобоева украиналық Даяна Ястремскаямен бірге Страсбург турнирінің финалына шыға алмады, деп хабарлайды ҚазАқпарат тілшісі.

Қазақстандық-украиналық жұп жартылай финалда қытайлықтар Йин-Йин Дуань мен Син-Юнь Ханьмен кездесті.

Бірінші партияда 6:2 есебімен қытайлық жұп басым түсті.

Екіншісінде Воскобоева мен Ястремская есе қайырды - 6:3. Алайда содан кейін қытайлықтар ұтып кетті - 10:7.

Бәсеке 1 сағат 28 минутқа созылды.

Қытайлық жұп финалда аустралиялықтар Дарья Гаврилова мен Эллен Переспен кортқа шығады.

Жекелей сында сәтті өнер көрсеткен Даяна Ястремская Страсбург турнирінің финалына шықты. Онда ол франциялық Каролин Гарсиямен бас жүлдені сарапқа салады.

Еске сала кетейік, бұдан бұрын Юлия Путинцеваның Нюрнберг турнирінің финалына шыққанын, тағы бір қазақстандық Елена Рыбакинаның «Ролан Гарростың» негізгі турниріне жолдама алғанын жазған болатынбыз.

Ю.Путинцева финалда әлемнің 68-ракеткасы, словениялық Тамара Зиданшекпен кездеседі.

Сондай-ақ қазақстандық теннисшілердің «Ролан Гаррос» турниріндегі қарсыластары анықталды.

Іріктеу сайыстарында жеңімпаз атанған Елена Рыбакина әлемнің 43-ракеткасы, чехиялық Катержина Синяковамен шеберлік байқасады. Бір қызығы, К.Синякова Нюрнберг турнирінің жартылай финалында Т.Зиданшектен ұтылып қалды.

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT