Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Теннис: Ұлыбритания - Қазақстан матчында Путинцева таразы басын теңестірді

2019 жылғы 21 сәуір 01:11 656
Бөлісіңіз:
  Теннис: Ұлыбритания - Қазақстан матчында Путинцева таразы басын теңестірді

НҰР-СҰЛТАН. ҚазАқпарат  -  Лондонда өтіп жатқан Ұлыбритания мен Қазақстан матчында Юлия Путинцева таразы басын теңестірді, деп хабарлайды ҚазАқпарат тілшісі.

Ұқсас жаңалықтар
Теннис: Путинцева Нюрнберг турнирінің жеңімпазы атанды Теннис: Воскобоева Страсбург турнирінде жеңіліп қалды

Федерация кубогы ІІ Әлемдік тобының плей-офф кезеңінде қос құраманың әр кездесуі маңызды еді. Оның үстіне беташар бәсекеде Зарина Дияс Ұлыбританияның бірінші, әлемнің 46-ракеткасы Йоханта Контаға есе жіберген еді.

Сондықтан Қазақстанның бірінші, әлемнің 38-ракеткасы Юлия Путинцева рейтингте 86-орындағы Кэйти Бултерден қалайда қарымта қайтаруы керек болатын.

Бірінші сетте есеп 3:3 болған мезетте К.Бултер брейк жасап, алға шықты. Ақыры ол мұны тағы бір брейкпен түйіндеді - 6:3.

Екінші партияда ойын тізгінін қолына алған Ю.Путинцева үш мәрте брейк жасады. Қарсыласы бұған бір брейкпен жауап берді. Есеп - 6:2, қазақстандық теннисшінің пайдасында.

Үшінші, шешуші сетте ұлыбританиялық теннисші қос брейкпен есепті 4:0-ге жеткізді. Бұдан кейін Путинцевада үміт аз еді. Дегенмен қазақстандық спортшы бірте-бірте таразы басын өзіне аударды. Ақыры тартысты сет тай-брейкке ұласты. Мұнда Юлия 8:6 есебімен жеңіске жетті. Кездесу барысында К.Бултер үш бірдей матчболды пайдалана алмады.

Аса тартысты бәсеке 2 сағат 32 минутқа созылды.

Осылайша Ұлыбритания - Қазақстан матчында есеп теңесті - 1:1.

Жексенбі күні Ю.Путинцева мен Й.Конта, З.Дияс пен К.Бултер кортқа шығады. Жұптық сында Галина Воскобоева мен Анна Данилина ұлыбританиялықтар Хезер Уотсон мен Хэрриет Дартпен шеберлік байқасады. Өзгерістер болуы да ықтимал.

Еске сала кетейік, бұдан бұрын Зарина Диястың ел намысын қорғауды бақыт санайтынын және Ұлыбритания - Қазақстан матчын бастайтынын және корт иелерінің алға шыққанын жазған болатынбыз.

 

 

 

 

 

 

 

Біздің каналымызға жазылыңыз:

Басты сөздер: Спорт, Қоғам,
Бөлісіңіз:

Автор:

Елжан Ералы

Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
MURAǴAT