Теннис: Рыбакина Қытайдағы турнирдің финалында жеңіліп қалды

НҰР-СҰЛТАН. ҚазАқпарат – Қазақстандық Елена Рыбакина Қытайдағы Шэньчжэнь WTA турнирінің финалында жеңіліп қалды, деп хабарлайды ҚазАқпарат тілшісі.

Ұқсас жаңалықтар

Теннис: Зара Дәркен Украинадағы турнирдің жартылай финалына шықты

Теннис: Алматы турнирінің ширек финалына шыққан ойыншылар анықталды Теннис: Денис Евсеев Алматы турнирінің екінші айналымына шықты Қазақстаннан Олимпиадаға қатысатын теннисшілер анықталды

Е.Рыбакина финалда ресейлік Екатерина Александровамен шеберлік байқасты.

Е.Александрова әлемдік рейтингте 34-орында болса, қазақстандық теннисші 36-сатыда еді. Алдағы дүйсенбіде екеуі де өз елдерінің бірінші ракеткасы атанады.

Бірінші партияда ресейлік спортшы 4:0 есебімен алға кетті. Бұдан кейін Елена есепті қысқарта алды – 2:4. Бірақ Е.Александрова есе жібермеді – 6:2.

Екінші сетте Е.Рыбакина 4:2 есебімен алға шыққанымен, сол мүмкіндігін пайдалана алмады. Қатарынан төрт геймді алған Е.Александрова жеңіске жетті – 6:4.

Бәсеке 1 сағат 14 минутқа созылды.

Бұл ресейлік теннисшінің WTA турнирлеріндегі алғашқы жеңісі еді. Ал Е.Рыбакина өткен жылы Бухаресте үздік шыққан болатын.

Қазақстандық теннисші алдағы аптада Хобарт (Аустралия) WTA жарысына қатысады. Демек, алдағы дүйсенбіде үздік отыз теннисшінің қатарына кіретін Е.Рыбакинаның өз рейтингісін жақсартатындай мүмкіндігі мол.

Еске сала кетейік, бұдан бұрын Елена Рыбакинаның Қытайдағы турнирдің финалына шыққанын, ал Юлия Путинцеваның Аделаида жарысын жеңіспен бастағанын жазған болатынбыз.