Теннис: Рыбакина Хертогенбоста негізгі турнирге жолдама алды

НҰР-СҰЛТАН. ҚазАқпарат - Қазақстандық теннисші Елена Рыбакина Хертогенбоста (Нидерланды) WTA-ның негізгі турниріне жолдама алды, деп хабарлайды ҚазАқпарат тілшісі.

Дүниежүзілік рейтингте 141-орында тұрған Е.Рыбакина іріктеу сайыстарының финалында әлемнің 113-ракеткасы, америкалық Кристина Макхейлмен кездесті.

Қазақстандық теннисші бірінші партияда 6:2 есебімен жеңіске жетті.

Тартысты өрбіген екінші сетте тай-брейкте басымдылық танытты - 7:6 (7:5).

Бәсеке 1сағат 27 минутқа созылды.

Елена іріктеу сайыстарының жартылай финалында әлемнің 246-ракеткасы, чехиялық Барбора Штефкованы 7:6 (7:5), 6:0 есебімен жеңген болатын.

Е.Рыбакинаның негізгі турнирдегі қарсыласы кейін анықталады.

Қазақстанның бірінші, әлемнің 28-ракеткасы Юлия Путинцева Ноттингем (Ұлыбритания) WTA турнирінде бақ сынайды. Ол алғашқы айналымда рейтингте 142-орындағы румыниялық Моника Никулескумен кортқа шығады.

Көгал төсенішінде өтетін бұл екі жарыс та Уимблдон турнирі алдындағы дайындық болып есептеледі.