+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Теннис: Путинцева Римде Италия ашық чемпионатының жартылай финалына шыға алмады

2020 жылғы 19 қыркүйек 17:09
Бөлісіңіз:
Теннис: Путинцева Римде Италия ашық чемпионатының жартылай финалына шыға алмады

НҰР-СҰЛТАН. ҚазАқпарат – Қазақстандық теннисші Юлия Путинцева Римде Италия ашық чемпионатының жартылай финалына шыға алмады, деп хабарлайды ҚазАқпарат тілшісі.

Ұқсас жаңалықтар
Қазақстандық боксшы 27 рет жеңіске жеткен WBO экс-чемпионымен жұдырықтасады Теннис: Елордада алғаш рет Astana Open турнирі өтеді ҚХЛ: «Барыс» овертаймда «Йокериттен» жеңіліп қалды

Рейтингте 30-орында тұрған Ю.Путинцева ширек финалда әлемнің екінші, осы доданың 1-ракеткасы, румыниялық Симона Халеппен кездесті.

Юлия биыл 25-ке толса, кезінде дүниежүзілік рейтингте көш бастаған румыниялық теннисші одан үш жасқа үлкен еді.

Бұған дейін қарсыластардың жолы бір-ақ рет тоқайласқан-ды. Биыл қаңтарда Аустралия ашық чемпионатының үшінші айналымында С.Халеп 6:1, 6:4 есебімен ұтқан болатын.

Қазақстандық теннисші матчты жаман бастаған жоқ. Бірінші партияда есеп 1:1 болған кезде қос бірдей брейк-пойнтты пайдалана алмады. Бұдан кейін румыниялық спортшы күш алып, 4:1 есебімен алға кетті. Ақыры сетті тағы бір брейкпен түйіндеді – 6:2.

Екінші сетте есеп 0:2 болғаннан кейін өзін жайсыз сезінген Ю.Путинцева бәсекені жалғастырудан бас тартты. Ол осының алдында да медициналық көмекке жүгінген еді.

Сөйтіп Юлия Симонадан қарымта қайтара алмады.

С.Халеп финалға шығу үшін әлемнің 14-ракеткасы, биылғы US Open турнирінің финалисі, Беларусь өкілі Виктория Азаренко немесе рейтингте 17-сатыдағы испаниялық Гарбинье Мугурусаның біреуімен таласады.

Жалпы, Ю.Путинцева коронавирус індетіне байланысты орын алған үзілістен кейін табысты өнер көрсетуде. US Open турнирінің ширек финалына дейін жетіп, 425 мың АҚШ доллары көлемінде табыс тапты. Рейтингте 35-тен 30-сатыға көтерілген Юлия Италия ашық чемпионатының да ширек финалына дейін жетіп отыр. Өткен жылы ол екінші айналымнан аса алмаған еді.

Еске сала кетейік, бұдан бұрын теннисші Юлия Путинцеваның Рим турнирінің ширек финалына шыққанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT