+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Теннис: Путинцева Доха турнирінің үшінші айналымына шықты

2020 жылғы 25 ақпан 22:35
Бөлісіңіз:
Теннис: Путинцева Доха турнирінің үшінші айналымына шықты

НҰР-СҰЛТАН. ҚазАқпарат – Қазақстандық, әлемнің 32-ракеткасы Юлия Путинцева Доха (Катар) премьер турнирінің үшінші айналымына шықты, деп хабарлайды ҚазАқпарат тілшісі.

Ю.Путинцева екінші айналымда әлемнің 23-ракеткасы, жарыстың өткен жылғы жеңімпазы, бельгиялық Элизе Мертенспен кездесті.

Бірінші сетте есеп 4:4 болған мезетте бельгиялық спортшы брейк жасап, сосын өз геймін алды – 6:4.

Екінші партияда қазақстандық теннисші брейкпен алға шықты – 2:0. Ол осы басымдылығын сақтай білді – 6:3.

Үшінші, шешуші сетте есеп 2:2 болғанда, Юлия брейк жасады – 3:2. Тағы бір брейк – 5:2. Бұдан кейін матчқа доп бергенде, қарқынын бәсеңдеткен жоқ.

Бұдан кейін матчқа доп бергенде, қарқынын бәсеңдеткен жоқ - 6:2. Тартысты бәсеке 2 сағаттай уақытқа созылды.

Осылайша қазақстандық теннисші Доха турнирінің өткен жылғы чемпионын тақтан тайдырды. Бұдан бұрын Федерация кубогының іріктеу кезеңінде Қазақстан – Бельгия матчында Э.Мертенс жеңіске жеткен (6:1, 7:6) болатын. Соның қарымтасын Юлия бүгін қайырды.

Ю.Путинцева Доха додасының (жүлде қоры – 2,9 млн АҚШ доллары) ширек финалына шығу үшін әлемнің тоғызыншы, осы жарыстың 4-ракеткасы, швейцариялық Белинда Бенчич немесе рейтингте 38-орындағы ресейлік Вероника Кудерметованың қай жеңгенімен таласады.

Еске сала кетейік, бұдан бұрын Юлия Путинцеваның Доха турнирінің екінші айналымына шыққанын, Елена Рыбакинаның да жеңіспен бастағанын жазған болатынбыз.

Бүгін Александр Бублик Дубай додасының екінші айналымына шықты.






Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT