+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Теннис: Кукушкин мен Бублик Аустралия чемпионатының жартылай финалына шықты

2020 жылғы 27 қаңтар 20:21
Бөлісіңіз:
Теннис: Кукушкин мен Бублик Аустралия чемпионатының жартылай финалына шықты

НҰР-СҰЛТАН. ҚазАқпарат – Қазақстандықтар Михаил Кукушкин мен Александр Бублик жұптық сында Аустралия ашық чемпионатының жартылай финалына шықты, деп хабарлайды ҚазАқпарат тілшісі.

Ұқсас жаңалықтар
Коронавирус: «Ролан Гаррос» турнирі күзде өтетін болды Теннис: Голубев пен Недовесов Нұр-Сұлтан турнирінің жартылай финалына шықты

Қазақстандық жұп ширек финалда аустралиялықтар Джеймс Дакворт және Марк Полманспен күш сынасты.

М.Кукушкин жекелей сында осы біріншіліктің алғашқы айналымында М.Полмансқа есе жіберген болатын. Енді жұптық бәсекеде жолдары тоқайласты.

Бірінші партияда аустралиялықтар 5:1 есебімен алға кетіп, оңай ұтатындай көрінген. Дегенмен қазақстандықтар таразы басын теңестіріп, тай-брейкте жеңіп кетті – 7:6 (8:6).

Екінші сет те тартысты өрбіді. Есеп 6:5 болған мезетте қазақстандықтар матчты брейкпен тәмамдады – 7:5.

Бәсеке 1 сағат 42 минутқа созылды.

М.Кукушкин мен А.Бублик финалға шығу үшін финляндиялық Хенри Континен мен германиялық Ян-Леннард Штруфф немесе америкалық Раджив Рам мен ұлыбританиялық Джо Солсбери жұптарының қай жеңгенімен таласады.

Бұған дейін «Үлкен дулыға» турнирлерінде жұптық сында Қазақстаннан Ярослава Шведова екі мәрте чемпион атанған болатын. Ерлер ондай табыстарымен мақтана алмайтын. Осы жолы М.Кукушкин мен А.Бублик Аустралия чемпионатында табысты өнер көрсетуде.

Еске сала кетейік, бұдан бұрын қазақстандық қос теннисшінің шетелде өткен турнирде топ жарғанын, Федерация кубогының іріктеу матчында Қазақстан мен Бельгия құрамалары кездесетінін жазған болатынбыз.


Біздің каналымызға жазылыңыз:

Басты сөздер: Спорт,
Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT