+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Теннис: Кукушкин Astana Open турнирін жеңіспен бастады

2020 жылғы 28 қазан 18:12
Бөлісіңіз:
Теннис: Кукушкин Astana Open турнирін жеңіспен бастады

НҰР-СҰЛТАН. ҚазАқпарат – Қазақстандық Михаил Кукушкин Astana Open ATP 250 турнирінің екінші айналымына шықты, деп хабарлайды ҚазАқпарат тілшісі.

Ұқсас жаңалықтар
Теннис: Денис Евсеев Түркиядағы турнирдің финалында ұтылып қалды Теннис: Денис Евсеев Түркиядағы турнирдің финалына шықты Үстел теннисінен БҚО құрамасы Қазақстан чемпионы атанды

Дүниежүзілік рейтингте 91-орында тұрған М.Кукушкин әлемнің 76-ракетасы, аргентиналық Федерико Дельбониспен кортқа шықты.

Өз елінің құрамасы сапында Дэвис кубогының жеңімпазы атанған Ф.Дельбонис оған қоса ATP турнирлерінде екі мәрте топ жарған-ды. Ал М.Кукушкиннің 2010 жылы Санкт-Петербург жарысында үздік шыққаны белгілі.

Бірінші партияда есеп 2:1 болған мезетте аргентиналық теннисші брейкке қол жеткізді – 3:1. Бұдан кейін М.Кукушкин брейк жасағанымен, қарсыласы сол бойда есе қайырды. Есеп 5:3 болып, Ф.Дельбонис сетке доп бергенде, қазақстандық спортшы брейк жасап, сосын таразы басын теңестірді. Алайда тай-брейкте Дельбонис сәтті ойнай білді – 7:6 (7:5).

Екінші сетте есеп 3:2 болғанда, М.Кукушкин брейк жасап, сол басымдылығын сақтай алды – 6:3.

Үшінші, шешуші партияда қос брейк жасаған қазақстандық теннисші есепті 5:1-ге жеткізді. Содан кейін үшінші матчболын пайдалана білді – 6:2.

Тартысты өткен бәсеке 2 сағат 32 минутқа созылды.

М.Кукушкин екінші айналымда әлемнің 28-інші, осы доданың 1-ракеткасы, франциялық Бенуа Пэрмен кездеседі.

Еске сала кетейік, бұдан бұрын Тимофей Скатовтың алғашқы айналымнан аса алмағанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT