USD 434.48 EUR 492.61
RUB 5.68 CNY 68.44
Jańalyqtar

Теннис: Қазақстан Дэвис кубогының жартылай финалына шыға алмады

2021 жылғы 2 желтоқсан 07:13
Бөлісіңіз:
Теннис: Қазақстан Дэвис кубогының жартылай финалына  шыға алмады

НҰР-СҰЛТАН. ҚазАқпарат – Мадридте Дэвис кубогының ширек финалында Қазақстан құрамасы Сербияға есе жіберді, деп хабарлайды ҚазАқпарат тілшісі.

Ұқсас жаңалықтар
Батысқазақстандық шорттрекші Бейжің олимпиадасында бақ сынайды Аса ауыр салмақтағы қазақстандық боксшының WBC титулы үшін кіммен айқасатыны белгілі болды Australian Open: Александр Бублик жарыс жолынан шығып қалды

Екінші ойында әлемнің 1-ракеткасы Новак Джокович пен қазақстандық Александр Бублик күш сынасты.

Бұл жолы А.Бубликтің «Үлкен дулыға» турнирін 20 рет ұтқан Н.Джоковичпен бірінші кездесуі еді.

Бірінші партияда сербиялық теннисші брейкпен алға кетіп,

сол басымдылығын сақтап қалды – 6:3.

Джокович екінші сетте де брейкпен алға шықты – 3:1.

Ақыры есесін жіберген жоқ – 6:4.

Бір сағат 14 минутқа созылған бәсекеде Н.Джокович 4 эйс, 2 брейкке қол жеткізді. А.Бублик 12 эйс жасағанымен, 2 брейк-пойнтты пайдалана алған жоқ.

Осылайша Қазақстан – Сербия матчында таразы басы теңесті – 1:1.

Матч тағдыры жұптық сында шешілді.

Андрей Голубев пен Александр Недовесов сербиялықтар Н.Джокович – Никола Качичпен шеберлік байқасты.

Бірінші партияда сербиялықтар қос брейкпен басымдылық

көрсетті – 6:2.

Екіншісінде қазақстандық жұп дәл сондай есеппен есе қайырды – 6:2.

Үшінші, шешуші партияда тағы екі брейк жасаған сербиялықтар матчты жеңіспен бітірді –6:3.

Бір сағат 39 минутқа созылған бәсеке барысында Н.Джоковичтің шеберлігі айқын көрінді.

Сөйтіп жартылай финалға Сербия жолдама алды. Олар финалға шығу үшін Хорватиямен таласады.

Еске сала кетейік , бұдан бұрын теннистен Дэвис кубогында Қазақстан Сербиямен матчты жеңіспен бастағанын жазған болатынбыз.




Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT