+7 (701) 759 90 19
USD 426.14 EUR 517.08
RUB 5.74 CNY 66.17
Jańalyqtar

Теннис: Қазақстан – Аргентина матчында есеп теңесті

2021 жылғы 17 сәуір 01:11
Бөлісіңіз:
Теннис: Қазақстан – Аргентина матчында есеп теңесті

НҰР-СҰЛТАН. ҚазАқпарат – Испанияның Кордова қаласында Билли Джин Кинг кубогының плей-офф кезеңінде Қазақстан – Аргентина матчының екінші ойыны өтті, деп хабарлайды ҚазАқпарат тілшісі.

Ұқсас жаңалықтар
Непалдық гид екі рет Эвересті бағындырып, әлемдік рекорд орнатты Бокстан 2021 жылғы әлем чемпионаты өтетін уақыт белгілі болды Ақмолалық триатлоншылар республикалық турнирдің жүлдегері атанды

Кортқа бұл жолы Қазақстанның бірінші, әлемнің 23-ракеткасы Елена Рыбакина аргентиналық, дүниежүзілік рейтингте небәрі 430-орында тұрған Мария Лурдес Карлемен шықты.

Бұл кездесуде қазақстандық теннисші сөзсіз фаворит саналғанымен, ойын басқаша өрбіді.

Бірінші партияда алдымен Е.Рыбакина брейкпен алға шықты – 2:0. Алайда қарсыласы таразы басын теңестіріп қана қоймай, есеп 3:3 болған мезетте брейк жасап кетті. Сосын басымдылықты уысынан шығарған жоқ – 6:4.

Екінші сетте Елена қос брейкке қол жеткізіп, есепті 4:0-ге жеткізді. Бұдан кейін аргентиналық теннисші қарымта қайырып, есепті қысқартты – 3:4. Дегенмен Рыбакина тағы бір брейктен кейін сетке доп бергенде, өз мүмкіндігін пайдалана білді – 6:3.

Үшінші, шешуші партияда корт иесі 3:0 есебімен алға кетті. Күн ыстық болған соң ба, өзін жайсыз сезінген Рыбакина медициналық көмекке де жүгінді. Ал аргентиналық спортшы қарқынын бәсеңдеткен жоқ – 6:0.

Бәсеке 2 сағат 17 минутқа созылды.

Осылайша Қазақстан – Аргентина матчында есеп теңесті – 1:1. Сенбі күні матч жалғасып, Билли Джин Кинг кубогының (бұрынғы Федерация кубогы) шешуші іріктеу кезеңіне берілетін жолдама тағдыры шешіледі.

Еске сала кетейік, бұдан бұрын Қазақстан – Аргентина матчының жеребесі тартылғанын, Ю.Путинцеваның жеңіспен бастағанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT