+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Теннис: Елена Рыбакина Страсбург турнирінің жартылай финалына шықты

2020 жылғы 24 қыркүйек 17:20
Бөлісіңіз:
Теннис: Елена Рыбакина Страсбург турнирінің жартылай финалына шықты

НҰР-СҰЛТАН. ҚазАқпарат – Қазақстанның бірінші, әлемнің 18-ракеткасы Елена Рыбакина Страсбург (Франция) WTA турнирінің жартылай финалына шықты, деп хабарлайды ҚазАқпарат тілшісі.

Ұқсас жаңалықтар
Теннисші Александр Бублик Санкт-Петербург турнирін сәтті бастады

Осы жарыстың 5-ракеткасы болып тіркелген қазақстандық теннисші ширек финалда әлемдік рейтингте 40-орында тұрған қытайлық Чжан Шуаймен кездесті.

Бірінші партияда Е.Рыбакина 5:2 есебімен алға кетті. Сол басымдылықты уысынан шығарған жоқ – 6:3.

Екінші сетте де қазақстандық теннисші брейкпен алға шықты – 2:1. Тағы бір брейк – 4:1. Бұдан кейін қытайлық спортшы брейк жасап, есепті қысқарта алды – 2:4. Дегенмен іле-шала қайыра брейк жасаған Елена есепті 5:2-ге жеткізді. Ақыры ол матчқа доп бергенде, мүмкіндігін мүлт жібермеді – 6:2.

Бәсеке тура бір сағатқа созылды.

Е.Рыбакина финалға шығу үшін әлемнің 84-ракеткасы, жапониялық Нао Хибиномен таласады.

Н.Хибино ширек финалда Ролан Гаррос турнирінің 2017 жылғы жеңімпазы, қазір әлемнің 43-ракеткасы, латвиялық Елена Остапенконы 7:6 (7:2), 7:6 (7:4) есебімен тізе бүктірді. Оның алдында жапониялық спортшы Зарина Диясты да ұтып кеткен болатын. Енді Е. Рыбакина соның есесін қайтара ала ма, оны алдағы ойын көрсетеді.

Еске сала кетейік, бұдан бұрын Д.Попконың Ролан Гаррос турнирі іріктеу сайысының финалына, ал А.Бубликтің Гамбургте ширек финалға өткенін жазған болатынбыз.





Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT