+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Теннис: Елена Рыбакина Страсбург турнирінің ширек финалына шықты

2020 жылғы 22 қыркүйек 20:40
Бөлісіңіз:
Теннис: Елена Рыбакина Страсбург турнирінің ширек финалына шықты

НҰР-СҰЛТАН. ҚазАқпарат – Қазақстанның бірінші, әлемнің 18-ракеткасы Елена Рыбакина Страсбург WTA турнирінің ширек финалына шықты, деп хабарлайды ҚазАқпарат тілшісі.

Ұқсас жаңалықтар

Е.Рыбакина екінші айналымда әлемнің 52-ракеткасы, франциялық Ализе Корнемен шеберлік байқасты.

Қазақстандық теннисші 21-де болса, тәжірибелі қарсыласы 30-да еді. А.Корне биылғы US Open турнирінде сәтті өнер көрсетіп, төртінші айналымына дейін жеткен болатын.

Бірінші партияда есеп 3:2 болған мезетте Е.Рыбакина брейк жасап, сол басымдылығын сақтай алды – 6:3.

Екінші сетте қазақстандық спортшы бірден брейкпен алға шықты – 1:0. Дегенмен есеп 5:4 болып, Елена матчқа доп бергенде, бірнеше мүмкіндігін пайдалана алмай, есесіне қарсыласы брейк жасап кетті – 5:5. Тай-брейкте алдымен А.Корне алға кеткенімен, қазақстандық спортшы ақыры кезекті матчболын құр жіберген жоқ – 7:6 (10:8).

Кездесу барысында корт иесін көрермендер де жігерлендіріп отырды. Соған қарамастан, Елена шеберлігі басым екенін мойындата білді.

Біршама тартысты өткен бәсеке 1 сағат 49 минутқа созылды.

Е.Рыбакина жүлде қоры 225,5 мың еуроға бағаланған жарыстың жартылай финалына шығу үшін әлемнің 40-ракеткасы, қытайлық Чжан Шуай немесе рейтингте 415-сатыдағы корт иесі Клара Бюрельдің біреуімен таласады.

Биыл Цинциннати додасында Ч.Шуайды тағы бір қазақстандық теннисші Юлия Путинцева ұтқан болатын.

Еске сала кетейік, бұдан бұрын Зарина Диястың Страсбургте екінші айналымға шыққанын, оның соққысы алғашқы күннің қорытындысы бойынша үздік деп танылғанын жазған болатынбыз.





Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT