+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Теннис: Елена Рыбакина Ролан Гаррос турнирін сәтті бастады

2020 жылғы 29 қыркүйек 18:15
Бөлісіңіз:
Теннис: Елена Рыбакина Ролан Гаррос турнирін сәтті бастады

НҰР-СҰЛТАН. ҚазАқпарат – Қазақстанның бірінші, әлемнің 18-ракеткасы Елена Рыбакина Ролан Гаррос турнирін сәтті бастады, деп хабарлайды ҚазАқпарат тілшісі.

Ұқсас жаңалықтар

Парижде өтіп жатқан Франция ашық чемпионатының 14-ракеткасы болып тіркелген Е.Рыбакина бастапқы кездесуін рейтингте 83-орында тұрған румыниялық Сорана-Михаэла Кырстямен өткізді.

Қазақстандық теннисші биыл 21-ге толса, тәжірибелі қарсыласы 30-да еді.

Бірінші партияда үш бірдей брейкке қол жеткізген Е.Рыбакина румыниялық спортшыға бірде-бір гейм берген жоқ – 6:0.

Екінші сетте есеп 2:1 болған мезетте қазақстандық спортшы брейкпен алға кетті – 3:1. Дегенмен румыниялық теннисші де брейк жасап, есепті қысқартты – 3:4. Бірақ Рыбакина сол бойда қарымта қайырып, сосын матчқа доп бергенде, қателескен жоқ – 6:3.

Бәсеке 1 сағат 3 минутқа созылды.

Е.Рыбакина екінші айналымда әлемнің 49-ракеткасы, франциялық Фиона Ферро немесе рейтингте 56-сатыдағы ұлыбританиялық Хитер Уотсонның біреуімен шеберлік байқасады.

Бүгін қазақстандықтардан алғашқы айналымда соңғы болып рейтингте 76-орында тұрған Зарина Дияс кортқа шығады. Ол әлемнің 35-ракеткасы, Тунис өкілі Онс Жабермен сынға түседі. Мұның алдында Ю.Путинцева, М.Кукушкин және А.Бублик те Ролан Гаррос турнирін жеңіспен бастаған болатын.

Еске сала кетейік, бұдан бұрын Александр Бубликтің Ролан Гаррос турнирінде әлемнің 9-ракеткасын ұтқанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT