+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Теннис: Елена Рыбакина Острава турнирінің жартылай финалына өте алмады

2021 жылғы 24 қыркүйек 22:16
Бөлісіңіз:
Теннис: Елена Рыбакина Острава турнирінің жартылай финалына өте алмады

НҰР-СҰЛТАН. ҚазАқпарат - Қазақстанның бірінші, әлемнің 16-ракеткасы Елена Рыбакина Острава (Чехия) WTA 500 турнирінің жартылай финалына шыға алмады, деп хабарлайды ҚазАқпарат тілшісі.

Ұқсас жаңалықтар
Теннис: Александр Бублик Санкт-Петербургте жеңіліп қалды Теннис: Андрей Голубев жұптық сында Санкт-Петербург турнирінің ширек финалына шықты «Мұндай шешім қабылдау оңай емес» - «Тараздың» ФК бас бапкері қызметінен кетті

Е.Рыбакина ширек финалда әлемнің алтыншы, осы жарыстың 1-ракеткасы, Польша өкілі Ига Швентекпен ойнады.

Бірінші партияда әуелі поляк қызы алға шыққанымен, қазақстандық теннисші таразы басын теңестірді. Тай-брейкте Швентектің жолы болды - 7:6 (7:5).

Екінші сетте ол 5:1 есебімен алға ұзап кетті. Осыдан кейін Рыбакина брейк жасағанымен, одан әріге шамасы жетпеді - 2:6.

Бір сағат 41 минутқа созылған кездесуде Швентек 1 эйс жасап, 8 брейк-пойнттың тең жартысын пайдаланды. Елена 2 эйс, 2 брейкке қол жеткізді.

И.Швентек финалға шығу үшін әлемнің 12-інші, доданың 4-ракеткасы, грекиялық Мария Саккаримен таласады. Ол ширек финалда чехиялық Тереза Мартинцовадан айласын асырды - 7:5, 6:3.

Тағы бір қазақстандық Анна Данилина жұптық сында белоруссиялық Лидия Морозовамен бірге ширек финалда турнирдің 2-ракеткалары, үндістандық Саня Мирза - қытайлық Чжан Шуайға есе жіберді - 3:6, 6:3, 6:10.

Еске сала кетейік, бұдан бұрын Елена Рыбакинаның Остравада ширек финалға, Александр Бубликтің Astana Open турнирінде жартылай финалға шыққанын жазған болатынбыз.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT