Теннис: Дмитрий Попко Лиссабон турнирінің ширек финалына шықты

None
None
НҰР-СҰЛТАН. ҚазАқпарат – Қазақстандық Дмитрий Попко Лиссабон (Португалия) челленджер турнирінің ширек финалына шықты, деп хабарлайды ҚазАқпарат тілшісі.

Әлемнің 178-ракеткасы Д.Попко екінші айналымда рейтингте 285-орында тұрған португалиялық Гонсалу Оливейрамен күш сынасты.

Бірінші партияда ойын тізгінін бірден қолына алған қазақстандық теннисші сол қарқынынан жаңылған жоқ – 6:2.

Екінші сет те дәл осындай есеппен аяқталды.

Бәсеке 1 сағат 26 минутқа созылды.

Д.Попко бастапқы кездесуінде бразилиялық Жоан Менезешті 6:3, 6:4 есебімен тізе бүктірген болатын. Енді ол жартылай финалға шығу үшін әлемнің 111-інші, осы доданың 2-ракеткасы, тағы бір португалиялық Педро Соуса немесе рейтингте 248-сатыдағы франциялық Уго Греньенің біреуімен таласады.

Еске сала кетейік, бұдан бұрын А.Бубликтің жұптық сында Санкт-Петербург турнирінің жартылай финалына шыққанын жазған болатынбыз.

А.Бублик бүгін жекелей сында ширек финалға шығу үшін әлемнің 21-ракеткасы, канадалық Милош Раоничпен шеберлік байқасады.


Соңғы жаңалықтар